அம்முவின் சமையல்

சௌ சௌ கூட்டு

2010-05-25T11:50:00.000-07:00

தேவையான பொருட்கள்:
========================

சௌ சௌ - இரண்டு
பாசி பருப்பு - அரை கப்
பச்சை மிளகாய் - பத்து
கறிவேப்பிலை - ஒரு ஆர்க்
உப்பு - தேவையான அளவு
மிளகாய் வற்றல் - இரண்டு
தக்காளி - ஒன்று
மஞ்சள் தூள் - கால் டீஸ்பூன்

கால் டீஸ்பூன் எண்ணையில் வறுத்து பொடிப்பதற்கு :
================================================

மிளகு - ஒரு டீஸ்பூன்
சீரகம் - ஒரு டேபிள்ஸ்பூன்

தாளிப்பதற்கு:
----------------------

தேங்காய் எண்ணெய் - இரண்டு டேபிள்ஸ்பூன்
கறிவேப்பிலை - சிறிது
கடுகு - ஒரு டீஸ்பூன்
கடலை பருப்பு - ஒரு டேபிள்ஸ்பூன்
பெருங்காயம் - ஒரு சிட்டிகை
தேங்காய் - ஒரு டேபிள்ஸ்பூன்

செய்முறை:
===========

* சௌ சௌவை தோல் சீவி சின்ன சின்ன சதுரங்களாக நறுக்கி கொள்ளவும்.

* தக்காளியை நான்கு துண்டுகளாகி கொள்ளவும்.

* ஒரு பாத்திரத்தில் நருக்கிய சௌ சௌ,தக்காளி,கீறிய பச்சை மிளகாய்கள் ,கறிவேப்பிலை,உப்பு,மிளகாய் வற்றல் மஞ்சள் தூள் சேர்த்து எல்லாம் மூழ்கும் அளவு நீர் சேர்த்து பருப்பு வேகும் வரை கொதிக்க விடவும்.

* நீர் வற்ற வற்ற சேர்த்து கொள்ளவும்.

* பருப்பு வெந்ததும் கூட்டிற்கு தேவையான நீர் சேர்த்து கொதிக்க விடவும்.

* ஒரு கடாயில் தேங்காய் எண்ணெய் ஊற்றி தாளிப்பதை தாளித்து கூட்டில் கொட்டவும்.

* மிளகு சீரக பொடியை சேர்த்து இரண்டு கொதி வந்ததும் இறக்கவும்.

* தேங்காய் வறுத்து சேர்ப்பதால் நல்ல மணமாக இருக்கும் இந்த கூட்டு.

பல்கர் உப்மா.

2010-05-21T13:05:00.000-07:00

பல்கர் உப்மா என்றால் என்னவென்றே எனக்கு போன மாதம் வரை தெரியாது.எங்க வீட்டில் கொதுமைரவை தோசை செய்வது தான் பழக்கம். பிறகு கீதா அக்காவின் ப்ளாக்கில் குறிப்பு பார்த்து பல்கர் வாங்கி அவர்களின் முறையில் சிறிது மாற்றம் செய்து உப்மா செய்து பார்த்தேன்.மிகவும் நன்றாக இருந்தது.என் தளத்தில் என் சொந்த குறிப்புகள் மட்டும் கொடுத்துக்கொண்டிருந்தேன்.இன்று முதல் Friends recipes என்ற தலைப்பின் கீழ் மற்ற சமையல் ப்ளாக்கிலிருந்து செய்து பார்த்து எனக்கு மிகவும் பிடித்த குறிப்புகளை வெளியிட உள்ளேன்.

கீதா அக்காவின் குறிப்பை பார்க்க இங்கு கிளிக்கவும்.

நான் செய்து பார்த்து வெளியிட்டது கீழே.

தேவையான பொருட்கள்:

========================

பல்கர் - ஒரு கப்

பொடியாக நறுக்கிய பச்சை மிளகாய் - ஐந்து

மிளகாய் வற்றல் - நான்கு

Fresh மொச்சை பயறு(not dried one) - ஒரு கப்

கறிவேப்பிலை - ஒரு ஆர்க்

நறுக்கிய தக்காளி - ஒரு கப்

பெரிய வெங்காயம் - ஒன்று

நறுக்கிய கொத்தமல்லி - ஒரு கப்

வெந்தய கீரை - மன்று டேபிள்ஸ்பூன்

உப்பு - தேவையான அளவு

கடுகு - ஒரு டீஸ்பூன்

உளுந்து - ஒரு டீஸ்பூன்

கடலை பருப்பு - ஒரு டீஸ்பூன்

நிலகடலை - ஒருடேபிள்ஸ்பூன்

சர்க்கரை - ஒரு சிட்டிகை

செய்முறை:

============

* ஒரு கடாயில் எண்ணெய் ஊற்றி காய்ந்ததும் கடுகு,கடலை பருப்பு,உளுந்து,நிலக்கடலை சேர்த்து வறுத்து மிளகாய் வற்றல்,பச்சை மிளகாய் சேர்த்து வதக்கவும்.

* நருக்கிய கறிவேப்பிலை,கொத்தமல்லி சேர்த்து வதக்கி வெந்தய கீரை சேர்த்து தணலை மீடியம்மில் வைத்து வதக்கவும்.

* வெங்காயத்தை நீளமாக நறுக்கவும்.

* மொச்சையை முக்கால் பங்கு வேக வைத்து நீரை வடித்து கொள்ளவும்.

* கீரை லேசாக வதங்கியதும் வெங்காயம்,தக்காளி சேர்த்து நன்கு வதங்கியதும் மொச்சை சேர்த்து வதக்கி உப்பு,சர்க்கரை சேர்த்து இரண்டு கப் நீர் சேக்கவும்.

* தண்ணீர் கொதிக்க ஆரமித்ததும் பல்கர் சேர்த்து கட்டி தட்டாமல் கிளறி நீர் வற்றியதும்

தணலை அணைத்து சூடாக பரிமாறவும்.

* சுவையான பல்கர் உப்மா தயார்.

பி.கு:
--------
தலைப்பில் பல்கர் உப்மா என்று போட்டுள்ளேன் டெக்நிகலி " பல்கர் உப்புமா" என்று போட வேண்டும்.
சில பல நல்லவர்கள் கமென்ட்டில் "பல்கர் உப்பாது" என்று கூறுவார்கள் என்ற காரணத்தினால் நேமாலஜி படி இந்த நேம் சேன்ஜ்.

கீதா அக்காவின் குறிப்பை பார்க்க இங்கு கிளிக்கவும்.

பூரி-உணவகத்தில் செய்யும் முறை

2010-05-11T21:36:00.000-07:00

தேவையான பொருட்கள்:

========================

கோதுமை மாவு - ஒரு கப்

மைதா மாவு - ஒரு டேபிள்ஸ்பூன்+ஒரு டீஸ்பூன்

சீரக பொடி - ஒரு சிட்டிகை

உப்பு - தேவையான அளவு

சர்க்கரை - ஒரு சிட்டிகை

எண்ணெய் - ஒரு டேபிள்ஸ்பூன்

எண்ணெய் - பொரிப்பதற்கு.

வெதுவெதுப்பான நீர் - மாவு பிசைவதற்கு.

செய்முறை:
============

* கோதுமை மாவையும்,மைதாவையும் ஒன்றாக கலந்து சீரக பொடி,உப்பு,சர்க்கரை சேர்த்து கலக்கவும்.

* நீரை கொஞ்சம் கொஞ்சமாக ஊற்றி சப்பாத்தி மாவு பதம் போல் பிசையவும்.

* பிசைந்த மாவில் எல்லா பகுதிகளிலும் எண்ணெய்(ஒரு டேபிள்ஸ்பூன்) படுமாறு தடவவும்.

* ஒரு ஈர துணி வைத்து மூடி கால் மணி நேரம் வைக்கவும்.

* எண்ணையை கடாயில் ஊற்றி மிதமான தீயில் சூடாக்கவும்.

* மாவை சிறு சிறு உருண்டைகளாக உருட்டி தேய்க்கவும்.(மாவு சமமாக இருக்க வேண்டும்)

* எண்ணெய் நன்றாக சூடானதும் தேய்த்து வைத்துள்ள பூரியை போட்டு லேசாக கரண்டியால் பூரி ஓரங்களில் அழுத்தவும்.

* இப்படி செய்வதால் உணவகத்தில் தரும் பூரியை போல puff ஆக உதவும்.

* ஒரு பக்கம் லேசாக சிவந்ததும் ஓரத்திலிருந்து மறுபக்கம் திருப்பவும்.

* இரு பக்கங்களும் சிவந்ததும் பேப்பர் டவலில் சிறிது நேரம் வைத்து பரிமாறவும்.

* சுவையான பூரி தயார்.
இந்தபூரி கடைசிவரை அதுவே அமுங்காது.

மாம்பழ கார குழம்பு

2010-05-07T07:01:00.000-07:00

தேவையான பொருட்கள்:
=========================
பழுத்த மாம்பழம் - ஒன்று
புளி - எலுமிச்சை அளவு
சின்ன வெங்காயம் - அரை கப்
பச்சை மிளகாய் - பன்னிரண்டு
மிளகாய் தூள் - இரண்டு டீஸ்பூன்
தக்காளி - நான்கு
மஞ்சள் தூள் - கால் டீஸ்பூன்
உப்பு - தேவையான அளவு
பொடியாக நறுக்கிய கறிவேப்பிலை - கால் கப்
கடுகு - கால் டீஸ்பூன்
வெந்தயம் - அரை டீஸ்பூன்
எண்ணெய் - கால் கப்

எண்ணையில்லாமல் வறுத்து பொடிக்க:
=====================================
வெந்தயம் - கால் டீஸ்பூன்
சீரகம் - அரை டீஸ்பூன்
அரிசி - ஒரு டீஸ்பூன்
கடலை பருப்பு - ஒரு டீஸ்பூன்

செய்முறை:
============
* வெங்காயத்தை தோலுரித்து இரண்டாக நறுக்கவும்.

* வறுத்து பொடிக்க வேண்டியத்தை பொடித்து வைத்து கொள்ளவும்.

* பச்சை மிளகாயை பொடியாக நறுக்கி கொள்ளவும்.

* மாம்பழத்தை தோலுடன் பெரிது பெரிதாக நறுக்கவும்.

* புளியை இரண்டரை கப் சுடு நீரில் கரைத்து கொள்ளவும்.

* தக்காளியை நீர் விடாமல் ஒன்றும் பாதியுமாக அரைத்து அதில் சிறிது உப்பு மஞ்சள் தூள்,மிளகாய் தூள் சேர்த்து கலந்து புளி நீரில் சேர்த்து கலக்கவும்.

* எண்ணையை காயவைத்து கடுகு,வெந்தயம்,கறிவேப்பிலை தாளித்து வெங்காயம்,பச்சை மிளகாய் சேர்த்து வெங்காயம் சிவக்கும் வரை வதக்கவும்.

* புளி கரைசலை சேர்த்து ஒரு கொதி வந்ததும் மாம்பழ துண்டுகள் சேர்த்து உப்பு சரி பார்த்து தணலை நடுத்தரமாக வைக்கவும்.

* எல்லாம் ஒன்று சேர்ந்து கொதித்து எண்ணெய் கக்கியதும் பொடித்த பொடி தூவி ஒரு நிமிடம் கிளறி இறக்கவும்.

குறிப்பு:
=======

மாம்பழம் சேர்த்து செய்வதால் இனிப்பாக இருக்குமென்று நினைக்க வேண்டாம்.காரமும்,புளிப்பும் சேர்ந்து அருமையாக இருக்கும்.காண்டிப்பாக அனைவரும் செய்து பார்க்க வேண்டிய ஒரு கார குழம்பு.காரம் கூட குறைய சேர்த்து கொள்ளலாம்.

European Style Mashed Potatoes

2010-05-05T22:08:00.000-07:00

தேவையான பொருட்கள்:
========================
யுகான் கோல்ட் பொடேடோஸ் - மூன்று
Soar Cream / Whipping Cream - அரை கப்
பட்டர் - ஒரு ஸ்டிக்/ஐந்து டேபிள்ஸ்பூன்
Whole Milk - கால் கப்
மிக பொடியாக நறுக்கிய பூண்டு - ஒரு டீஸ்பூன்
உப்பு - தேவையான அளவு
வெள்ளை மிளகு தூள் - ஒரு டீஸ்பூன்

செய்முறை:
===========

* முதலில் உருளை கிழங்குகளை நன்றாக கழுவி தோல் உரித்து கொள்ளவும்.

* நடுவாந்திர சதுரங்களாக நறுக்கி நீரில் போட்டு நறுக்கிய பூண்டையும் சேர்த்து வைக்கவும்.

* ஒரு பெரிய பாத்திரத்தில் முக்கால் பங்கு நீர் விட்டு 1/8 டீஸ்பூன் உப்பு சேர்த்து கொதிக்க ஆரமித்ததும் உருளை கிழங்கை சேர்த்து மிதமான தீயில் வைக்கவும்.

* Fork tender/கைகளால் மசித்தால் கட்டி இல்லாமல் மசியும் பதம் வந்ததும் நீரை வடிகட்டி Potato Masher உபயோகித்து கட்டி இல்லாமல் மசித்து கொள்ளவும். potato masher இல்லையென்றால் அகப்பை உப்பயோகித்து மசித்து கொள்ளவும்.

* பாலையும்,கிரீமையும் ஒன்றாக கலந்து ஒரு கொதி வந்ததும் இறக்கி விடவும்.

* உருளை கிழங்கு மசித்த பாத்திரத்தை அடுப்பில் வைத்து கிரீம் கலவையை கொஞ்சம் கொஞ்சமாக விட்டு கிளறவும்.தணலை மிக குறைவாகவே probably in 2 or 3 வைக்கவும்.

* வெண்ணையையும் உருளையுடன் சேர்த்து உருக விடவும்.

* வெண்ணை எல்லாம் உருகியதும் மிளகு தூள் சேர்த்து எடுத்து சூடாக பரிமாறவும்.

* சுவையான Mashed Potatoes தயார்.

* சாப்பிடும் முன்பு தேவையான அளவு உப்பு சேர்த்து கொள்ளவும்.

குறிப்பு:
========

ஐரோப்பியா,அமேரிக்கா,இத்தாலி,பிரான்ஸ் ஆகிய நாடுகளில் மதிய உணவில் கண்டிப்பாக Mashed Potatoes இடம்பெறும்.
வெண்ணைக்கு பதிலாக நெய் உபயோகிக்க கூடாது.
வெண்ணையை உருளையில் சேர்க்கும் முன்பு தனி அடுப்பில் வைத்து உருக்கி சேர்க்ககூடாது.அதற்க்கு பதிலாக உருளையில் சேர்ப்பதற்கு ஒரு பத்து நிமிடம் முன்னாடி உளிர்சாதன பெட்டியில் இருந்தது வெளியில் எடுத்து வைக்கலாம்.
வீட்டில் தயாரித்த வெண்ணையை விட கடையில் வாங்கும் வெண்ணையை வைத்து செய்தால் தான் ருசி சரியாக வரும்.
உப்பு மிக குறைந்த அளவே தேவைப்படும்.
உருளையை அடுப்பில் வைத்து அதிக நேரம் கிளறிக்கொண்டே இருக்க கூடாது வெண்ணை உருகி உருளையுடன் சேர்ந்த உடன் இறக்கி விட வேண்டும்.
எல்லாம் சரியாக வந்தால் இதன் சுவை அபாரமாக இருக்கும்.
இதில் உருளையை அரைக்க கூடாது மென்மையாக வர வேண்டும் என்பதற்காக.

மாம்பழ கேசரி

2010-05-03T19:30:00.001-07:00

தேவையான பொருட்கள்:
==========================
ரவை - ஒரு கப்
மாம்பழ கூழ் - அரை கப்
தண்ணீர் - இரண்டரை கப்
சர்க்கரை - ஒன்னரை கப்
நெய் - கால் கப்
மாம்பழ எசன்ஸ் - ஒரு துளி
முந்திரி,திராட்சை - ஒரு டேபிள்ஸ்பூன்

செய்முறை:
===========

* ஒரு கடாயில் ஒரு டேபிள்ஸ்பூன் நெய் ஊற்றி ரவையை வாசனை வரும் வரை வறுத்து வைக்கவும்.

* வேறு ஒரு பாத்திரத்தில் ஒரு டீஸ்பூன் நெய் ஊற்றி முந்திரி ,திராட்சையை வறுத்து வறுத்த ரவை சேர்த்து நீர் சேர்த்து ரவையை வேக விடவும்.

* ரவை முக்கால்வாசி வெந்ததும் மாம்பழ கூழ் சேர்த்து கிளறி சர்க்கரை ,எசன்ஸ் சேர்த்து கிளறவும்.

* நெய் சேர்த்து கிளறி கேசரி பதம் வந்ததும் இறக்கவும்.

குறிப்பு:
=======

* சர்க்கரை சேர்த்ததும் கைவிடாமல் கிளற வேண்டும்.இல்லை என்றால் கடினமாகிவிடும்.
* மாம்பழத்தில் இனிப்பு உள்ளதால் சர்க்கரை அளவாக சேர்க்கவும்.
* இதில் பரிமாறும் முன் ஒரு சிட்டிகை உப்பு சேர்த்தும் பரிமாறலாம்.
* எசன்ஸ் இல்லாமலும் செய்யலாம்.

Its Party time:) Hurrayyyyyyyyyyyyy.........................

2010-04-30T14:03:00.000-07:00

இன்றுடன் இந்த தளம் ஆரமித்து ஒரு வருடம் நிறைவடைந்து விட்டது.அதன் கொண்டாட்டமாக தளத்தில் சில மாற்றங்கள் செய்துள்ளேன்.என்னை கருத்துக்களின் மூலம் ஊக்குவித்த அனைவருக்கும் இந்த தருணத்தில் நன்றியை தெரிவித்துக்கொள்கிறேன்.

Italian sautéed spinach and an award

2010-04-21T17:43:00.000-07:00

தேவையான பொருட்கள்:

======================

ஸ்பினச் - ஒரு கட்டு

பூண்டு - ஐந்து பல்

Extra virgin olive oil - ஒரு டேபிள்ஸ்பூன்

Melted butter - ஒரு டேபிள்ஸ்பூன்

பைன் நட்ஸ் - ஒரு டேபிள்ஸ்பூன்

உப்பு - தேவையான அளவு

மிளகு தூள் - ஒரு டீஸ்பூன்

செய்முறை:

==========

* முதலில் ஸ்பினச்சை ஒன்றும் பாதியுமாக நறுக்கிகொள்ளவும்.

* ஒரு கடாயில் எண்ணெய்,பட்டர் சேர்த்து காய்ந்ததும் பூண்டு சேர்த்து பிரவுன் ஆகும் வரை வதக்கவும்,

* ஸ்பினச் சேர்த்து ஒரு நிமிடம் வதக்கி உப்பு சேர்த்து சிறிது சிறிதாக நீர் தெளித்து கீரை வேகும் வரை வதக்கவும்.

* வெந்ததும் மிளகு தூள் சேர்த்து வைக்கவும்.

* பரிமாறும் முன் பைன் நட்ஸ் சேர்த்து கலந்து பரிமாறவும்.

சுவையான sautéed spinach தயார்.

குறிப்பு:

=======

நீர் தெளிக்கும் பொழுது கவனமாக இருக்கவும்.நீர் அதிகமாகி விடாமல் பார்த்து கொள்ள வேண்டும்.

நன்றி ஸாதிகா.

ஆலூ டஹாரி(aaloo tahari)

2010-04-19T07:22:00.000-07:00

தேவையான பொருட்கள்:
========================

அரிசி - ஒண்ணேகால் கப்
உருளை கிழங்கு - மூன்று
பச்சை பட்டாணி - கால் கப்
இஞ்சி - ஒரு இன்ச் துண்டு
பூண்டு - மூன்று பல்
சீரகம் - அரை டீஸ்பூன்
கிராம்பு - ஒன்று
கருப்பு ஏலக்காய் - ஒன்று
பட்டை - ஒன்று
பிரியாணி இலை - ஒன்று
பூண்டு பொடி - கால் டீஸ்பூன்
மஞ்சள் பொடி - அரை டீஸ்பூன்
மிளகாய் பொடி - ஒரு டீஸ்பூன்
தக்காளி - ஒன்று
பச்சை மிளகாய் - எழு
பெரிய வெங்காயம் - ஒன்று
எண்ணெய் - ஐந்து டேபிள்ஸ்பூன்
உப்பு - ருசிக்கேற்ப

செய்முறை:
===========

* அரிசியை குறைந்தது ஒரு மணி நேரம் ஊற வைக்கவும்.

* வெங்காயத்தை நீளமாக நறுக்கி கொள்ளவும்.தக்காளி துண்டுகளாக்கி கொள்ளவும்.

* உருளை கிழங்கை தோல் நீக்கி துண்டுகளாக்கி கொள்ளவும்.

* எண்ணையை சூடேற்றி நருக்கிய வெங்காயம்,பூண்டு சேர்த்து மிதமான தணலில் ஐந்து நிமிடங்கள் வதக்கவும்.

* இஞ்சி,பூண்டு பொடி,மஞ்சள் பொடி,மிளகாய் பொடி,பட்டை,கிராம்பு,ஏலக்காய்,பிரியாணி இலை,சீரகம்,பச்சை மிளகாய்,தக்காளி மற்றும் உப்பு சேர்த்து அரை கப் நீர் சேர்த்து கொதிக்க விடவும்.

* எல்லாம் ஒன்று சேர்ந்து தக்காளி மசியும் வரை கொதிக்க வைக்கவும்.

* உருளை கிழங்கு ,பட்டாணி சேர்த்து ஒரு கப் நீர் சேர்த்து கொதிக்க ஆரமித்ததும் ஊறவைத்த அரிசியை சேர்த்து தேவையான அளவு நீர் சேர்த்து உதிராக வடித்து எடுக்கவும்.

* சுவையான ஆலூ டஹாரி தயார்.

இதனை குருமாவுடன் சாப்பிட சுவையாக இருக்கும்.

முருங்கக்காய் கார குழம்பு (செட்டிநாடு)

2010-04-17T20:45:00.000-07:00

தேவையான பொருட்கள்:
========================

புளி - எலுமிச்சை அளவு
முருங்கக்காய் துண்டுகள் - பத்து
சின்ன வெங்காயம் - பத்து
கறிவேப்பிலை - ஒரு ஆர்க்
தக்காளி - ஒன்று அல்லது இரண்டு
பச்சை மிளகாய் - நான்கு
மஞ்சள் தூள் - ஒரு டீஸ்பூன்
காய்ந்த மிளகாய் - ஐந்து (optional)
நல்லெண்ணெய் - இரண்டு குழிகரண்டி +அரை குழிகரண்டி
கடுகு - ஒரு டேபிள்ஸ்பூன்

அரைக்க:
========
சோம்பு பொடி - கால் டீஸ்பூன்
தேங்காய் துறுவல் - கால் கப்
மிளகாய் தூள் - ஒரு டீஸ்பூன்
சாம்பார் பொடி - ஒன்று அல்லது இரண்டு டீஸ்பூன்
தனியா பொடி - ஒரு டீஸ்பூன்
கறிவேப்பிலை - ஐந்து இலை

செய்முறை:
=============

* வெங்காயத்தை தோலுரித்து கொள்ளவும்,

* பச்சை மிளகாயை கீறி கொள்ளவும்.

* புளியை மூன்று கப் நீரில் கரைத்து கொள்ளவும்.

* அரைக்க வேண்டியதை அரைத்து எடுத்துக்கொள்ளவும்.

* பாத்திரத்தில் இரண்டு குழிகரண்டி எண்ணெய் ஊற்றி காய்ந்ததும் கடுகு தாளித்து மிளகாய் வற்றல்,பச்சை மிளகாய் சேர்த்து கறிவேப்பிலை சேர்த்து பொறிய விடவும்.

* சின்ன வெங்காயம் சேர்த்து நன்கு வதக்கி முருங்கக்காய் சேர்க்கவும்.

* உப்பு சேர்த்து தக்காளி ,மஞ்சள் தூள் சேர்த்து ஒரு நிமிடம் வதக்கி புளி கரைசலை ஊற்றி கொதிக்க விடவும்.

* பச்சை வாசனை போனதும் அரைத்த விழுதை சேர்த்து ஒரு கொத்தி வந்ததும் மீதும் உள்ள எண்ணெய் ஊற்றி மிதமான தீயில் வைத்து எண்ணெய் கக்கும் வரை கொதிக்க வைத்து இறக்கவும்.

* சுவையான கார குழம்பு தயார்.

குறிப்பு:
=======

உங்கள் நாவிற்கு தகுந்தாற்போல் காரத்தை கூட குறைத்து போட்டு கொள்ளுங்கள்.
சின்ன வெங்காயம் உரிக்கும் பொழுது கண் எறியாமல் இருக்க ஒரு பத்து நிமிடம் முன்பு தண்ணீரில் ஊற போட்டு விடுங்கள்.எளிதாக தோல் நீக்கிவிட முடியும் அதே சமயம் கண் எறியாது.
உங்கள் கருத்துக்களை மறக்காமல் சொல்லவும்.

நெய் மைசூர் பாக்

2010-04-14T07:26:00.000-07:00

தேவையான பொருட்கள்:
========================

கடலை மாவு - ஒரு கப்
சர்க்கரை - இரண்டு கப்
நெய் - ஒண்ணேகால் கப்
முந்திரி பொடி - ஒரு டேபிள்ஸ்பூன்
அரை கப் - நீர்

செய்முறை:
===========

* கடலை மாவுடன் ஒரு டேபிள்ஸ்பூன் நெய் சேர்த்து கலந்து வறுத்து வைக்கவும்.

* சர்க்கரையை நீர் சேர்த்து கலந்து பாகு தயாரிக்கவும்.

* பாகின் பதம் பார்க்க சிறிது பாகை எடுத்து அதை குட்டி பந்து போல் உருட்ட முடிந்தால் அதுவே சரியான பதம்.

* மெது மெதுவாக மாவை சேர்த்து கட்டி உருவாகாமல் கலக்கவும்.

* ஒன்று சேர்ந்ததும் ஒரு டேபிள்ஸ்பூன் நெய் எடுத்து வைத்து மீதம் உள்ள நெய்யை கொஞ்சம் கொஞ்சமாக விட்டு கலக்கவும்.

* slow flame மில் வைத்து கிளறவும்.

* தனியாக எடுத்து வைத்த நெய்யை ஒரு பாத்திரத்தில் முழுவதும் படுமாறு தடவவும்.

* கிளறிய பாகை நெய் தடவிய பாத்திரத்தில் ஊற்றி சமமாக பரப்பி விடவும்.

* நன்றாக ஆறியதும் வேண்டிய வடிவத்தில் துண்டுகள் போடவும்.

* சுவையான நெய் மைசூர் பாக் தயார்.

குறிப்பு:
=======

சர்க்கரை பாகின் பதம் சரியாக வரவில்லை என்றாலோ,மாவு சரியாக இல்லைஎன்றாலோ சுவையும் பதமும் சரியாக வராது.முதன் முறையாக செய்கிறீர்கள் என்றால் மிகவும் சிறிய அளவில் செய்து பார்க்கவும்.

தமிழ் புத்தாண்டு நல்வாழ்த்துக்கள்

2010-04-14T06:55:00.000-07:00

அனைவருக்கும் தமிழ் புத்தாண்டு நல்வாழ்த்துக்கள்.

வாழைக்காய் கார கறி(HOT version)

2010-04-07T18:54:00.000-07:00

தேவையான பொருட்கள்:

======================

வாழைக்காய் - இரண்டு

பச்சை மிளகாய் - ஒன்று

சிகப்பு மிளகாய் ஊறுகாய் - ஒரு டீஸ்பூன்(red chilli pickle)

உப்பு - தேவையான அளவு

நல்லெண்ணெய் - இரண்டு டேபிள்ஸ்பூன்

மிளகாய் தூள் - கால் டீஸ்பூன்

நெய் - கால் டீஸ்பூன்(விரும்பினால்)

தாளிப்பிர்க்கு:

--------------------------

கடுகு - ஒரு டீஸ்பூன்

உளுத்தம் பருப்பு - ஒரு டீஸ்பூன்

கறிவேப்பிலை - ஒரு ஆர்க்

பெருங்காயம் - ஒரு சிட்டிகை

செய்முறை:

===========

* முதலில் வாழைக்காயை தோல் சீவி வேக வைத்து நடுவாந்திர அளவில் நறுக்கி கொள்ளவும்.

* எண்ணையை காயவைத்து தாளிப்புக்கு கொடுத்துள்ள பொருட்களை ஒன்றன் பின் ஒன்றாக சேர்த்து சிவக்க வறுக்கவும்.

* பச்சை மிளகாய் சேர்த்து வதக்கி வாழைக்காய் சேர்த்து சிகப்பு மிளகாய் தூள் சேர்த்து மூடி வைத்து எல்லாம் ஒன்று சேரும் வரை வரை வதக்கி இறக்கவும்.

* கால் டீஸ்பூன் நெய் மற்றும் ஊறுகாய் சேர்க்கவும்.

* சுவையான காரசாரமான வாழைக்காய் கார கறி தயார்.

உங்கள் கருத்தை மறக்காமல் கூறவும்.

குளு குளு ரைத்தா

2010-04-06T14:47:00.000-07:00

தேவையான பொருட்கள்:
=========================

கெட்டியான தயிர் - இரண்டு கப்
துருவிய கேரட் - ஒரு டேபிள்ஸ்பூன்
துருவிய வெள்ளரிக்காய் - கால் கப்
செர்ரி டோமேடோஸ் - ஆறு நம்பர் அல்லது சாதாரண தக்காளி - ஒன்று
உப்பு - தேவையான அளவு
பச்சை மிளகாய் - மூன்று
பொடியாக நருக்கிய சின்ன வெங்காயம் - கால் கப்
கடுகு - ஒரு டீஸ்பூன்
கறிவேப்பிலை - சிறிது
பொடியாக நருக்கிய கொத்தமல்லி - இரண்டு டேபிள்ஸ்பூன்
வெள்ளை மிளகு தூள் - ஒரு டேபிள்ஸ்பூன்

செய்முறை:
===========

* தயிரை நன்றாக பீட் செய்துகொள்ளவும்.

* அதில் துருவிய கேரட்,வெள்ளரிக்காய்,இரண்டாக நருக்கிய செர்ரி டோமேடோஸ் (அ)குட்டியாக நருக்கிய தக்காளி,மிளகாய் அனைத்தையும் ஒன்று சேர்த்து கலக்கவும்.

* ஒரு தாளிப்பு பாத்திரத்தில் எண்ணெய் ஊற்றி கடுகு,கறிவேப்பிலை சேர்த்து பொரிந்ததும் வெங்காயம் சேர்த்து உப்பு மற்றும் வெள்ளை மிளகு தூள் சேர்த்து தயிரில் கொட்டவும்.

* சுவையான ரைத்தா தயார்.

காரசாரமான வெண்டைக்காய் கறி

2010-04-04T17:48:00.000-07:00

தேவையான பொருட்கள்:
=======================

நருக்கிய வெண்டைக்காய் - இரண்டு கப்
பெரிய வெங்காயம் - ஒன்று
தக்காளி - ஒன்று
மிளகாய் தூள் - ஒரு டீஸ்பூன்
நறுக்கிய பச்சை மிளகாய் - ஒன்று
நருக்கிய பன்னீர் துண்டுகள் - கால் கப்
உப்பு - தேவையான அளவு
நெய் - ஒரு டீஸ்பூன்

தாளிப்பதற்கு :
----------------------
பொடியாக நருக்கிய பூண்டு - ஒரு டீஸ்பூன்
துருவிய இஞ்சி - கால் டீஸ்பூன்
சீரகம் - ஒன்றரை டீஸ்பூன்
கடுகு - கால் டீஸ்பூன்
உளுத்தம் பருப்பு - ஒரு டீஸ்பூன்

செய்முறை:
===========

* ஒரு கடாயில் எண்ணெய் ஊற்றி கடுகு ,சீரகம் சேர்த்து வெடித்ததும் உளுத்தம் பருப்பு சேர்த்து வறுக்கவும்.

* சிவந்ததும் பூண்டு,இஞ்சி சேர்த்து சிவக்க வறுக்கவும்

* வெங்காயத்தை நீளமாக நறுக்கி கொள்ளவும்.

* தக்காளியை சின்ன சின்ன சதுரங்களாக வெட்டிக்கொள்ளவும்.

* பூண்டு வதங்கியதும் மிளகாய்,வெங்காயம் சேர்த்து நன்றாக வதக்கி நிறம் மாறியதும் தக்காளி சேர்க்கவும்.

* உப்பு சேர்த்து தக்காளி மசியும் வரை வதக்கி வெண்டைக்காய் சேர்த்து கால் கப் நீர் சேர்க்கவும்.

* மிதமான தீயில் வைக்கவும்.

* தண்ணீர் வற்றியதும் மிளகாய் தூள் சேர்த்து பிரட்டி பன்னீர் துண்டுகள் சேர்த்து ஒரு முறை கிளறி நெய் சேர்த்து எடுக்கவும்.

சுவையான வெண்டைக்காய் கறி தயார் .

டபிள் சீஸ் பீட்ஸா

2010-04-02T09:08:00.000-07:00

தேவையான பொருட்கள்:
=======================
ஆல்பர்ப்பஸ் ப்ளவர் - ஐந்து கப்
ட்ரை அக்டிவ் ஈஸ்ட் - ஒரு பாக்கெட்(சின்னது)
சர்க்கரை - அரை டீஸ்பூன்
உப்பு - கால் டீஸ்பூன்
சுடு தண்ணீர் - ஒரு கப்( it should be warm not hot)
ஆலிவ் ஆயில் - எழு டீஸ்பூன்
மோசறேல்லா சீஸ் துருவியது - ஒன்றரை கப்
தக்காளி - ஒன்று
பொடியாக நறுக்கிய பச்சை மிளகாய் - மூன்று டீஸ்பூன்(optional)

பிட்ஸா சாஸ் :
==============

தக்காளி - ஐந்து
உப்பு - தேவையான அளவு
சர்க்கரை - ஒரு டீஸ்பூன்
மிளகு தூள் - ஒரு டீஸ்பூன்
ஆலிவ் ஆயில் - இரண்டு டேபிள்ஸ்பூன்
இத்தாலியன் ட்ரை ஹீர்ப்ஸ் சீசனிங் - மூன்று சிட்டிகை

செய்முறை:
************

# தக்காளியை மிக்சியில் போட்டு நீர் சேர்க்காமல் அரைத்து கொள்ளவும்.
# ஒரு கடாயில் எண்ணெய் ஊற்றி காய்ந்ததும் அரைத்த தக்காளியை சேர்த்து சாஸ் consistency வந்ததும் உப்பு,சர்க்கரை,மிளகு தூள்,சீசனிங் சேர்த்து ஒரு நிமிடம் கிளறி இறக்கவும்.
# பிஸ்ஸா சாஸ் தயார்.

செய்முறை:
===========

* தண்ணீரில் ஈஸ்ட்டை சேர்த்து கலக்கி அத்துடன் உப்பு,சர்க்கரை மற்றும் ஒரு கப் மாவு சேர்த்து நன்றாக கலக்கி பத்து நிமிடங்கள் வைக்கவும்.

* மீதம் உள்ள நாலு கப் மாவில் நாலு ஸ்பூன் ஆலிவ் ஆயில் சேர்த்து கலந்து அத்துடன் ஈஸ்ட் கலவையை சேர்த்து குழகுழப்பாக பிசையவும்.(The dough should be soft not watery).

*மாவின் எல்லா பாகங்களிலும் ஆயில் படுமாறு தடவி இரண்டு மணி நேரங்கள் மஸ்லின் துணியால் மூடி வைக்கவும்.(மாவு பொங்குவதற்கு போதுமான இடம் இருக்கும் அளவு பார்த்து கொள்ளவும்)

* பின்பு ஏர் பபில்ஸ்சை ரிலீஸ் செய்து முப்பது நிமிடங்கள் விடவும்.

* நான்ஸ்டிக் பீஸ்ஸா pan னில் மாவை வைத்து கைகளால் தேய்த்து வடிவம் செய்யவும் .

* அதில் பிஸ்ஸா சாஸ் தடவி அரை கப் சீஸை தூவவும்.

* வட்டமாக நறுக்கிய தக்காளியை ஒரு லேயர் வைத்து அதன் மேல் சாஸ் தேய்த்து மிளகாய் மற்றும் மீதம் உள்ள சீஸை தூவவும்.

* அவணை 450 d Fahrenheit டில் முற்சூடு செய்து அதில் தயார் செய்து வைத்ததை வைத்து சீஸ் பிரவுன் ஆகும் வரை வைத்து எடுக்கவும்.(app 20 minutes depending on the oven)

* அவண்னில் இருந்து எடுத்து ஒரு ஐந்து நிமிடம் கழித்து பாகம் பிரிக்கவும்.இப்படி ஐந்து நிமிடம் வைப்பதால் எல்லாம் செட் ஆகி பிஸ்ஸா எடுக்கும் பொழுது சீஸ்,டாபிங் கீழே விளாமல் இருக்கும்.

* சுவையான சீஸ் பிஸ்ஸா தயார்.

குறிப்பு:
=======

எடை குறைக்க விரும்புபவர்கள் இதனை தவிர்க்கவும்.

சிலர் மாரிணாரா சேர்த்து செய்வார்கள் தக்காளி சாஸ் செய்வதற்கு பதிலாக அதை சேர்த்துக்கொள்ளலாம்.ஆனால் வீட்டில் தயார் செத்தால் அதன் ருசி தனி.

உங்க கருத்தை மறக்காமல் சொல்லுங்க.

கார சட்னி

2010-03-30T15:10:00.000-07:00

தேவையான பொருட்கள்:
\=======================

தக்காளி - மூன்று
பெரிய வெங்காயம் - ஒன்று
பூண்டு பற்கள் - பதிமூன்று
மிளகாய் வற்றல் - ஒன்பது அல்லது பத்து (காரத்திற்கு தகுந்தாற்போல் சேர்த்துக்கொள்ளவும்)
கடலை பருப்பு - மூன்று டேபிள்ஸ்பூன்
உளுத்தம்பருப்பு - மூன்று டேபிள்ஸ்பூன்
கறிவேப்பிலை - ஒரு கொத்து
கடுகு - ஒரு டீஸ்பூன்
சீரகம் - ஒரு டீஸ்பூன்
எண்ணெய் - ஒரு குழிகரண்டி
நறுக்கிய பச்சை மிளகாய் - ஒரு டேபிள்ஸ்பூன்

தாளிக்க:
========
கடுகு - ஒரு டீஸ்பூன்
கடலை பருப்பு - ஒரு டீஸ்பூன்
உளுத்தம் பருப்பு - கால் டீஸ்பூன்
கறிவேப்பிலை - ஐந்து இலை
பெருங்காயம் - ஒரு சிட்டிகை
எண்ணெய் - ஒரு டேபிள்ஸ்பூன்

செய்முறை:
============

* ஒரு கடாயில் எண்ணெய் ஊற்றி காய்ந்ததும் கடுகு,சீரகம் போட்டு வெடிக்க விடவும்.

* பின்பு கடலை பருப்பு,உளுத்தம் பருப்பு சேர்த்து சிவக்க வறுக்கவும்.

* வெங்காயத்தை சதுரமாக நறுக்கி கொள்ளவும்.

* தக்காளியை துண்டுகளாக்கி கொள்ளவும்.

* பருப்புகள் சிவந்ததும் கறிவேப்பிலை சேர்த்து வறுத்து பச்சை மிளகாய் மற்றும் பூண்டுகளை சேர்க்கவும்.

*பூண்டு லேசாக சிவக்க ஆரமித்ததும் வெங்காயம் சேர்த்து நன்றாக வதக்கவும்.

* வெங்காயம் நன்கு வதங்கியதும் மிளகாய் வற்றல் சேர்த்து வறுத்து தக்காளி மற்றும் உப்பு சேர்த்து மிதமான தீயில் வதக்கவும்.

* தக்காளி மசிய ஆரமித்ததும் அடுப்பை அணைத்து கலவையை ஆறவிடவும்.

* நன்கு ஆறியதும் மிக்சரில் சேர்த்து நன்கு அரைத்து எடுக்கவும்.

* "தாளிக்க" என்ற தலைப்பின் கீழ் உள்ள பொருட்களை தாளித்து சட்னீயில் சேர்த்து கலக்கவும்.

* சுவையான காரசாரமான கார சட்னி தயார் .

* இட்லி,தோசை,வெரைட்டி ரைஸ்சிற்கு பக்க உணவாக வைத்து சாப்பிட சுவையாக இருக்கும்.

திடீர் ரசம்

2010-03-26T11:29:00.000-07:00

தேவையான பொருட்கள்:
========================

தக்காளி - மூன்று
துவரம் பருப்பு - ஒரு டேபிள்ஸ்பூன்
மிளகாய் தூள் - ஒரு டீஸ்பூன்
தனியா தூள் - ஒன்றரை டீஸ்பூன்
மஞ்சள் தூள் - அரை டீஸ்பூன்
சீரக தூள் - அரை டீஸ்பூன்
பெரிய வெங்காயம் - ஒன்று
சீரகம் - ஒரு டீஸ்பூன்
வெந்தயம் - ஒரு டீஸ்பூன்
பூண்டு பல் - ஐந்து
இஞ்சி - ஒரு டீஸ்பூன்
மிளகு - ஒரு டீஸ்பூன்
காய்ந்த மிளகாய் - மூன்று
உப்பு - தேவையான அளவு
புளி பேஸ்ட் - கால் டீஸ்பூன் (அல்லது) புளி - பெரிய நெல்லிக்காய் அளவு
பச்சை மிளகாய் - ஒன்று
உளுத்தம் பருப்பு - ஒரு டீஸ்பூன்
சர்க்கரை - ஒரு சிட்டிகை
கடுகு- ஒரு டீஸ்பூன்
நெய் - இரண்டு டேபிள்ஸ்பூன்
கறிவேப்பிலை - ஒரு கொத்து
பெருங்காயம் - ஒரு டீஸ்பூன்
கொத்தமல்லி - ஒரு கப்

செய்முறை:
===========

* முதலில் துவரம் பருப்பை நன்றாக வேக வைத்து அரைத்து கொள்ளவும்.

* மூன்று பூண்டு பற்களை மிகவும் போதிய நறுக்கி கொள்ளவும் அல்லது துருவிக்கொள்ளலாம்.

* ஒரு பாத்திரத்தில் மூன்று கப் நீர் ஊற்றி பொடியாக நருக்கிய தக்காளி,மிக பொடியாக நறுக்கிய வெங்காயம்,கீறிய பச்சை மிளகாய்,அரைத்த பருப்பு,நறுக்கிய பூண்டு பல்,மிளகாய் தூள்,மஞ்சள் தூள்,தனியா தூள்,சீரக தூள்,கரைத்த புளி,சர்க்கரை,உப்பு,இஞ்சி துறுவல்,கொத்தமல்லி எல்லாம் சேர்த்து கலக்கி அடுப்பில் மிதமான தீயில் அரை மணி நேரம் வைக்கவும்.

* வேறு ஒரு தாளிக்கும் கடாயில் நெய் ஊற்றி மிதமான தீயில் காய விடவும்.

* மிளகு,சீரகம்,பூண்டு மூன்றையும் சிறிது உப்பு சேர்த்து உரலில் இடித்து கொள்ளவும்.(மிகவும் சிறிய உரல் பீங்கானில் கிடைக்கிறது மார்க்கெட்டுகளில்)
உரல் இல்லாதவர்கள் பிளென்டரில் நீர் சேர்க்காமல் ஒரு நிமிடம் சுற்ற விடலாம்.

* நெய் காய்ந்ததும் கடுகு சேர்த்து பொரிந்ததும் சீரகம் சேர்க்கவும்.

* சீரகம் வெடித்ததும் வெந்தயம்,காய்ந்த மிளகாய்,உளுத்தம் பருப்பு சேர்க்கவும்.

* வெந்தயம் சேர்த்தவுடன் மீதி இரண்டையும் சேர்த்து விடவும் இல்லாவிட்டால் வெந்தயம் கருகி விடும்.

* உளுத்தம் பருப்பு சிவந்ததும் பெருங்காயம்,கறிவேப்பிலை சேர்த்து இடித்தவற்றை சேர்த்து பூண்டு சிவந்ததும் ,சிறிது மஞ்சள் பொடி சேர்த்து கொதிக்கும் ரசத்தில் ஊற்றி மேலும் ஒரு பதினைந்து நிமிடங்கள் சிறு தீயில் கொதிக்க வைத்து பரிமாறவும்.

* சுவையான ரசம் தயார்.இதற்கு ரசப்பொடி தேவையில்லாததால் எப்பொழுது வேண்டுமானாலும் வீட்டில் உள்ள பொருட்களை உபயோகித்து செய்து விடலாம்.சுவையாக இருக்கும்.

குறிப்பு:
========

இது வழக்கமான ரசம் செய்முறை அல்ல.கொஞ்சம் வித்யாசமாக அதே சமயம் மிகவும் சுவையாக இருக்கும்.

விருது

2010-03-25T12:29:00.000-07:00

நன்றி தீபா.

இதை மூன்று பேருக்கு கொடுக்க வேண்டுமாம்.

@ பாத்திமா ஜோஹரா (இதை உங்களின் எழுத்து திறனுக்கு அளிக்க ஆசைபடுகிறேன்.)

@ ஜலீலா ( எல்லா பகுதிகளிலும் ஆள் ரவுண்டராக இருப்பதற்கு உங்களுக்கு கொடுக்க விரும்புகிறேன்.)

@ ஜமால்(ஜமால் மேலே உள்ள பூ போலவே இருக்கும் உங்களின் குழந்தைக்கு இதை அளிக்க விரும்புகிறேன்)

மூன்று பெரும் மறுக்காமல் பெற்றுக்கொள்ளவும்.

கோபி 65

2010-03-23T11:40:00.000-07:00

தேவையான பொருட்கள்:
========================

காலிப்ளவர் - ஒன்று சிறியது
மிளகாய் தூள் - இரண்டு டீஸ்பூன்
பெருங்காயம் - கால் டீஸ்பூன்
உப்பு - தேவையான அளவு
கடலைமாவு - அரை கப்
அரிசி மாவு - கால் கப்
எண்ணெய் - பொரிப்பதற்கு.

செய்முறை:
============

* ஒரு பெரிய பாத்திரத்தில் தண்ணீர் நிரப்பி அதை அடுப்பில் வைத்து நீரை கொதிக்க விடவும்.

* கொதிக்க ஆரமித்தவுடன் சிறிது உப்பு சேர்த்து காலிப்ளவரை முழுதாக நீரில் போட்ட மூடி அடுப்பு தணலை அணைத்து விடவும்.

* ஒரு ஐந்து நிமிடங்களில் நீரை வடிகட்டி காலிப்ளவரை தனி தனி பூக்களாக பிரித்து கொள்ளவும்.

* பிரித்ததும் அதில் உப்பு,மிளகாய் தூள்,கடலை மாவு,அரிசி மாவு,பெருங்காயம் சேர்த்து பிசரிகொள்ளவும்.

* தேவையானால் லேசாக நீர் தெளித்து கொள்ளவும்.

* மாவு பூவை கோட் செய்யும் அளவு இருந்தால் போதுமானது .கால் கப் அதிகமாக இருக்கும் போல் தோன்றினால் சிறிது குறைத்துக்கொள்ளலாம்.

* எண்ணையை மிதமான தீயில் காய விடவும்.

* எண்ணெய் காய்ந்ததும் ஒவொரு பூக்களாக போட்டு பொன்னிறமானதும் பரிமாறவும்.

* சுவையான கோபி 65 தயார்.....

கத்தரிக்காய் மசால்

2010-03-17T09:01:00.000-07:00

தேவையான பொருட்கள்:
========================
நீள வைலட் கத்தரிக்காய் - இரண்டு
பெரிய வெங்காயம் - ஒன்று
தக்காளி - ஒன்று
தண்ணீர் - ஒரு கப்
சாம்பார் பொடி - ஒரு டேபிள்ஸ்பூன்
மஞ்சள் பொடி - கால் டீஸ்பூன்
கறிவேப்பிலை - ஒரு ஆர்க்
சோம்பு பொடி - ஒரு டீஸ்பூன்
நல்லெண்ணெய் - ஒரு குழிகரண்டி
கடுகு - டீஸ்பூன்

செய்முறை:
===========

* வெங்காயத்தை நீளமாக நறுக்கவும்.

* தக்காளியை பொடியாக நறுக்கி கொள்ளவும்.

* கத்தரிக்காயை நீளமாக அறுக்கி கொள்ளவும்.

* ஒரு கடாயில் எண்ணெய் ஊற்றி காய்ந்ததும் கடுகு,கறிவேப்பிலை,சோம்பு பொடி சேர்த்து பொரிந்ததும் வெங்காயம் சேர்த்து நன்கு வதக்கவும்.

* வெங்காயம் பிரவுன் ஆனதும் தக்காளி சேர்த்து வதக்கி மஞ்சள் பொடி,சாம்பார் பொடி சேர்த்து கத்தரிக்காய் சேர்த்து வதக்கவும்.

* தண்ணீர் விட்டு மிதமான தீயில் வைத்து தண்ணீர் வற்றி எண்ணெய் பிரிந்ததும் எடுக்கவும்.

* சுவையான கத்தரிக்காய் மசால் தயார்,

இந்த குறிப்பை http://solaiachiskitchen.blogspot.com என்ற தளத்திலிருந்து பார்த்து செய்தேன்.மிகவும் நன்றாக வந்தது.

Another blog announcement

2010-03-16T07:49:00.000-07:00

நான் புதிய ப்ளாக் ஒன்று ஆரமித்துள்ளேன்.

http://perumalthiruvadisaranam.blogspot.com/

இது ஆன்மிகம் சமந்தமான ப்ளாக்.இதில் இந்து கடவுள்கள்,சித்தர்கள் மற்றும் ஆன்மிகம் சம்மந்தமான தகவல்கள் கொடுக்கவுள்ளேன்.விருப்பமுள்ளர்கள் வந்து பார்க்கவும்.நன்றி.

--அம்மு.

Note:
நான் ஏற்க்கனவே ஆரமித்த ஒரு ப்ளாக் காணாமல் போய்விட்டது:(.அதில் நான் வரைந்த படங்களை கொடுத்து வந்தேன்.எப்படி டெலீட் ஆனதென்று விளங்கவில்லை.நான் வரைந்த படங்களின் மேல் யாருக்கோ தீராத கோவம் இருப்பது போல் தெரியுது.என் ப்ளாகை கண்டுபிடித்து தருபவர்களுக்கு தக்க சன்மானம் வழங்கப்படும்.

ஸ்ப்ரிங் சாலட்

2010-03-15T23:12:00.000-07:00

தேவையான பொருட்கள்:
=======================
சிகப்பு வெங்காயம் பெரியது - ஒன்று
ரோமா டொமாடோ - இரண்டு
பொடியாக நறுக்கிய அருகலா - ஒரு கைப்பிடி
பொடியாக நறுக்கிய ரோஸ்மெரி(rosemary) - ஒரு டீஸ்பூன்
பொடியாக நறுக்கிய டைம்(thyme) - ஒரு டீஸ்பூன்
பொடியாக நறுக்கிய பார்சலீ (parsley) - ஒரு டேபிள்ஸ்பூன்
உப்பு - தேவையான அளவு
மிளகு தூள் - ஒரு டீஸ்பூன்
மிக பொடியாக நறுக்கிய ஹலபீனியோ (jalapeno) பெப்பர் - ஒன்று
லெமன் விநீகரெட்(vinaigrette) - ஒரு டேபிள்ஸ்பூன்

செய்முறை:
===========

* மேலே கொடுத்துள்ள அனைத்து பொருட்களையும் தயாராக எடுத்து வைக்கவும்.

* முதலில் அருகலா,டைம்,ரோஸ்மேரி மூன்றையும் கலந்து பாதி லெமன் விநீகரெட் ,ஹலபீனோ சேர்த்து அதான் மேல் வெங்காயம்,தக்காளி சேர்த்து பார்ஸ்லே சேர்த்து கலந்து மீதம்முள்ள விநீகரெட் சேர்க்கவும்.

* தயாரானவுடன் உப்பு மிளகுதூளுடன் பரிமாற வேண்டும்.

* தயார் செய்தவுடன் சாப்பிட்டால்தான் சுவையாக இருக்கும்.

* இதில் விருப்பமிருந்தால் ப்ளாக் ஆலிவ்ஸ்,வெள்ளரிக்காய்,கேரட்,மெலிதாக வட்டமாக நறுக்கிய பீட்ரூட் ஆகியவை சேர்க்கலாம்.

* சுவையான ஸ்ப்ரிங் சாலட் தயார்.

தம் ஆலூ

2010-03-04T12:13:00.000-08:00

தேவையான பொருட்கள்;
========================
சின்ன உருளை கிழங்கு - அரை கிலோ
முழு தனியா - இரண்டு டேபிள்ஸ்பூன்
மிளகு - அரை டீஸ்பூன்
மிளகாய் வத்தல் - ஐந்து
இஞ்சி துருவியது - ஒரு டீஸ்பூன்
பூண்டு பல் - பத்து
எண்ணெய் - கால் கப்
சீரகம் - ஒரு டீஸ்பூன்
மஞ்சள் தூள் - ஒரு டீஸ்பூன்
மிளகாய் தூள் -இரண்டு டீஸ்பூன்
உப்பு
ஏலம் - ஒன்று
பட்டை - இரண்டு
கிராம்பு - இரண்டு
பிரியாணி இலை - ஒன்று
சர்க்கரை - ஒரு சிட்டிகை

செய்முறை:
============

* உருளை கிழங்கை எண்பது சதவிகிதம் வேக வைத்து போர்க்(fork) வைத்து ஓட்டைகள் போட்டு கொள்ளவும்.

* இஞ்சி,பூண்டு,மிளகு,தனியா,மிளகாய் வற்றல்,ஒரு பட்டை,ஒரு கிராம்பு எல்லாவற்றையும் பச்சையாக மைய அரைத்து கொள்ளவும்.(வறுக்க கூடாது)

* உருளை கிழங்கில் மஞ்சள் தூள்,மிளகாய் தூள்,உப்பு சேர்த்து உருளை கிழங்கு உடையாமல் பிரட்டி ஐந்து நிமிடங்கள் விடவும்.

* அரைத்த விழுதை உருளை கிழங்கில் சேர்த்து பிரட்டி விடவும்.

* கடாயை அடுப்பில் வைத்து சூடாக்கி பட்டை,கிராம்பு ,ஏலம் சேர்த்து வறுத்து பொடித்து கொள்ளவும்.

* ஒரு கடாயில் எண்ணெய் ஊற்றி காய்ந்ததும் சீரகம் தாளிச்சு இலை சேர்த்து உருளைகிழங்கை சேர்க்கவும்.

* மிதமான தணலில் வைத்து மசாலாக்களை வேக விடவும்( பச்சை வாசனை போகும் வரை ).

* உருளை கிழங்கு லேசாக வறுபட ஆரமித்ததும் கொஞ்சம் நீர் சேர்த்து கொதிக்க விடவும்.(நீர் மிகவும் கம்மியான அளவே விட வேண்டும்)

* பொடித்த மசாலா பொடி,கொத்தமல்லி தூவி மூடி வைத்து மூன்று நிமிடங்கள் கொதித்ததும் பரிமாறவும்.

சுவையான தம் ஆலூ தயார்.
சப்பாத்தி ,ரொட்டி வகைகளுக்கு பக்க உணவாகவும் சாதத்திற்கு பிசிந்து சாப்பிடவும் மிகவும் நன்றாக இருக்கும்.
இதை பற்றிய உங்களின் கருத்துக்களை மறக்காமல் சொல்லவும்.

Naan

2010-02-18T19:33:00.000-08:00

தேவையான பொருட்கள்:
=======================

மைதா - ஒன்றரை கப்
ஆக்டிவ் ட்ரை ஈஸ்ட் - ஒன்றரை டீஸ்பூன்
வெது வெதுப்பான நீர் - 50ml
எண்ணெய் - ஒரு டீஸ்பூன்
சர்க்கரை - ஒரு டீஸ்பூன்
பால் - ஒரு கப்
உப்பு - கால் டீஸ்பூன்

செய்முறை:
============
# கை பொறுக்கும் அளவு சூடுபடுத்திய நீரில் ஈஸ்ட்,சர்க்கரை,பால்,எண்ணெய் சேர்த்து நன்றாக கலக்கவும்.

# மைதாவில் உப்பு சேர்த்து கலந்து கொள்ளவும்.

# மைதா கலவையில் நடுவில் குழி பறித்து ஈஸ்ட் கலவையை கொட்டி soft dough வாக கலந்து கொள்ளவும்.

# பிளாஸ்டிக் ராப் வைத்து மூடி இருபது நிமிடங்கள் விடவும்.

# மாவை மேலே கொடுத்துள்ளது போல் பிரித்து ராப்பில் மூடி மேலும் இருபது நிமிடம் விடவும்.

# மாவு லேசாக பொங்கியதும் கையினில் தேய்த்து வடிவம் செய்து அவணை பராயில் மோடில் வைத்து மாவை இரண்டு நிமிடம் அவனில்(oven) வைத்து திருப்பி போட்டு மேலும் இரண்டு நிமிடம் வைத்து எடுக்கவும்.

குறிப்பு:
======

அவன்(oven) நேரம் அவரவர் அவணை பொறுத்து வைத்துக்கொள்ளவும்.

சில்லி கோபி

2010-02-17T11:37:00.000-08:00

தேவையான பொருட்கள்:

======================

காலி ப்ளவர் - ஒன்று

சிகப்பு மிளகாய் - ஐந்து

கார்ன் ப்ளவர் - ஒரு கப்

உப்பு - தேவையான அளவு

இஞ்சி பூண்டு விழுது - ஒரு ஸ்பூன்

அஜினமோட்டோ - ஒரு சிட்டிகை(விருப்பபட்டால்)

மிளகாய் தூள் - ஒரு டீஸ்பூன்

நல்லெண்ணெய் - ஒரு ஸ்பூன்

காலி ப்ளவர் பொரிக்க எண்ணெய் தேவையான அளவு

செய்முறை:

==========

* சிகப்பு மிளகாயை சிறிது நீர் விட்டு விழுதாக அரைத்து கொள்ளவும்.

* கார்ன் ப்ளவரில் உப்பு,அஜினமோட்டோ,நல்லெண்ணெய்,இஞ்சி பூண்டு விழுது,மிளகாய் தூள்,சிகப்பு மிளகாய் விழுது சேர்த்து தேவையான அளவு நீர் விட்டு பஜ்ஜி மாவு பதத்தை விட சிறிதளவு நீர்க்க கலந்து கொள்ளவும்.

* ஒரு பெரிய பாத்திரத்தில் காலிப்ளவரை பெரிய பெரிய பூக்களாக நறுக்கி போட்டு அது முங்கும் அளவு நீர் சேர்த்து மூன்று ஸ்பூன் உப்பு சேர்த்து இரண்டு நிமிடம் கொதிக்க வைத்து எடுக்கவும்.

* எண்ணையை சூடாக்கவும்.

* எடுத்ததும் உடனே வடிகட்டி காலிப்ளவரை கார்ன் ப்ளவர் கலவையில் சேர்த்து மூன்று நிமிடம் வைத்து சூடாக்கிய எண்ணெயில் போட்டு பொரித்தெடுக்கவும்.

* மொறுமொறுப்பான சில்லி கோபி தயார்.

குறிப்பு:

=======

படத்தில் உள்ளது போல் ரெட்டிஷ் கலர் வர வேண்டுமானால் சாதாரண மிளகாய் தூள்ளிற்கு பதிலாக "காஷ்மிரி சில்லி பௌடர்" சேர்த்து செய்யவும்.

இதே போல் வாழைக்காயில் செய்யலாம்.வாளைக்காயினை 1/4 பாகமாக வேக வைத்து மெலிதாக நறுக்கி மேல் சொன்ன முறையில் செய்யலாம்.

நீல்கிரி குருமா

2010-02-05T05:18:00.000-08:00

தேவையான பொருட்கள்:
========================

கொத்தமல்லி - அரை கப்
புதினா இலைகள் - அரை கப்
பச்சை மிளகாய் - நான்கு
கசகசா - ஒரு டேபிள்ஸ்பூன்
துருவிய தேங்காய் - ஒரு கப்
நருக்கிய பெரிய வெங்காயம் - ஒரு கப்
உப்பு - தேவையான அளவு
பெருங்காயம் - ஒரு சிட்டிகை
மஞ்சள் தூள் - ஒரு சிட்டிகை
இஞ்சிபூண்டு விழுது - ஒரு டேபிள்ஸ்பூன்
மிளகாய் தூள் - அரை டீஸ்பூன்
தனியா தூள் - ஒரு டேபிள்ஸ்பூன்
எண்ணெய் - ஒன்றரை குழிகரண்டி
விரும்பிய காய்கறிகள் - இரண்டு கப் (பீன்ஸ்,கேரட்,காலிப்ளவர்,உருளை,வாழை,முள்ளங்கி)
சீரகம் - ஒரு டேபிள்ஸ்பூன்
பட்டை - சிறிய துண்டு
கிராம்பு - ஒன்று
ஏலக்காய் - ஒன்று
பிரிஞ்சி இலை - ஒன்று
செய்முறை:
===========

* காய்கறிகளை நீளமான (அவியலுக்கு நறுக்குவது போல்) துண்டுகளாக நறுக்கவும்.

* ஒரு கடாயில் மூன்று டீஸ்பூன் எண்ணெய் ஊற்றி காய்ந்ததும் சீரகம் சேர்த்து பொரிந்ததும் நருக்கிய காய்கறிகளை சேர்த்து உப்பு சேர்த்து வதக்கவும்.

* கை விடாமல் கிளறிக்கொண்டே இருக்கவும்.

* சரியாக மூன்று நிமிடம் வதக்கி அடுப்பை அணைத்து விடவும்.

* கொத்தமல்லி,புதினா இலைகள்,பச்சை மிளகாய் மூன்றையும் சிறிது நீர் சேர்த்து விழுதாக அரைக்கவும்.

* கசகசாவை வெறும் வாணலியில் வாசனை வரும் வரை வறுக்கவும்.

* துருவிய தேங்காயுடன் வறுத்த கசகசாவை சேர்த்து விழுதாக அரைக்கவும்.

* ஒரு கடாயில் எண்ணெய் ஊற்றி காய்ந்ததும் பட்டை,கிராம்பு,ஏலக்காய்,பிரிஞ்சி இலை சேர்த்து பொரிய விடவும்.

* பொரிந்ததும் நருக்கிய வெங்காயம் சேர்த்து வதக்கவும்.

* வெங்காயம் நன்றாக வதங்கியதும் உப்பு,பெருங்காயம்,இஞ்சிபூண்டு விழுது சேர்த்து பச்சை வாசனை போகும் வரை வதக்கவும்.

* மஞ்சள் தூள் சேர்த்து அரைத்து வைத்த தேங்காய் விழுதை சேர்த்து வதக்கவும்.

* நல்லா வதங்கி பச்சை வாசனை போனதும் மிளகாய் தூள்,தனியா தூள் சேர்த்து ஒன்று சேருமாறு கிளறவும்.

* ஒன்று சேர்ந்ததும் புதினா மசாலா சேர்த்து எண்ணெய் கக்கும் வரை வதக்கவும்.

* வதக்கிய காய் கறிகளை சேர்க்கவும்.

* விரும்பினால் கால் டம்பளர் நீர் விட்டு கொத்தி வந்ததும் இறக்கவும்.

* சுவையான நீல்கிரி குருமா தயார்.

இதனை சாத்துடன் பிசிந்து சாப்பிட நன்றாக இருக்கும்.
சப்பாத்தி,நான்,பராத்தாக்களுக்கும் சுவையாக இருக்கும்.
எல்லா வைகயான கலவை சாதங்களுடனும் பரிமாறலாம்.
விருப்பப்பட்டால் இந்த குருமாவை பரிமாரும்னும் ஒரு கப் பன்னீர்
துண்டுகளை சேர்க்கலாம்.

இதை பற்றிய உங்க கருத்துக்களை சொல்லுங்க.

நவரத்ன குருமா

2010-02-03T17:22:00.000-08:00

தேவையான பொருட்கள்:

=======================

முந்திரி - பத்து

பாதாம் - ஐந்து

பெரிய வெங்காயம் - ஒன்று

காய்கறிகளை அவியலுக்கு நறுக்குவது போல் பெரிதாக நறுக்க வேண்டும்.

பீன்ஸ் - கால் கப்

உருளை (அல்லது) வாழைக்காய் - கால்கப்

கேரட் - கால் கப்

முந்திரி,பாதாம்,பிஸ்தா,உலர் திராட்சை- எல்லாம் கலந்து கால் கப்

பிரெஷ் க்ரீம் - கால் கப் (இது கிடைக்கவில்லை என்றால் பால் உபயோகபடுத்தவும்.)

மாதுளம் விதைகள் - கால் கப்

பச்சை திராட்சை (அல்லது) அன்னாசி பழ துண்டுகள் - கால் கப்

(மேலே குறிப்பிட்டுள்ள பழங்கள் இல்லாமலும் செய்யலாம்.பழக்கலவைகளை பரிமாரும்முன் சேர்க்கவும்.இல்லாவிட்டால் கசப்பு தன்மை வந்துவிடும்)

பட்டை,கிராம்பு,ஏலம்,பிரிஞ்சி இலை - தலா ஒன்று

எண்ணெய் - கால் கப்

தனியா தூள் - ஒரு டீஸ்பூன்

பச்சை மிளகாய் - மூன்று

வெள்ளை மிளகு தூள் - ஒரு டேபிள்ஸ்பூன்

உப்பு - தேவையான அளவு

செய்முறை:

===========

* வெங்காயத்தை பொடியாக அறிந்து கொள்ளவும்.

* மிளகாயை நீள வாக்கில் நறுக்கவும்.

* ஒரு கடாயில் மூன்று கப் நீர் விட்டு நன்கு கொதிக்க விடவும்.

* கொதிக்க ஆரமித்ததும் முந்திரி,பாதாம் மற்றும் நருக்கிய வெங்காயம் சேர்த்து தணலை நடுமானமாக வைத்து நன்கு வேக விடவும்.

* வெங்காயம் மற்றும் முந்திரி வெந்ததும் தெள்ளத்தெளிவாக அதான் நிறம் மாறும் அதான் பின்பு எடுத்து நீரை வடித்து ஆறியதும் மின்னம்மியில் சேர்த்து கால் கப் நீர் விட்டு நன்றாக மைய அரைத்து எடுத்துக்கொள்ளவும்.

* காய்கறிகளை ஒன்றும் பாதியுமாக வேக வைத்து நீரை வடித்து கொள்ளவும்.

* ஒரு கடாய்ல் எண்ணெய் ஊற்றி நன்கு காய்ந்ததும் பட்டை,கிராம்பு,ஏலக்காய்,பிரிஞ்சி இலை சேர்த்து பொரிந்ததும் அரைத்த முந்திரி விழுதை சேர்த்து நன்கு கிளறவும்

* எண்ணெய் பிரியும் வரை வதக்கியதும் தனியா தூள் சேர்க்கவும்.

* ஒரு நிமிடம் வதக்கி இரண்டு கப் நீர் சேர்த்து தேவையான அளவு உப்பு,பச்சை மிளகாய் சேர்த்து கொதிக்க விடவும்

* கலவை கெட்டியானதும் வேக வைத்த காய்களை சேர்த்து மிளகு தூள் சேர்த்து ஒன்று சேர விடவும்.

* எல்லாம் ஒன்று சேர்ந்ததும் க்ரீம் சேர்த்து ஒரு நிமிடம் கொதிக்க வைத்து அடுப்பை அனைத்து விடவும்.

* முந்திரி,பாதாம்,உலர்திராட்ச்சை சேர்த்து கலந்து பரிமாறும் முன் பழ கலவைகள் கொஞ்சம் சேர்த்து கலக்கி பரிமாறவும்.

* சுவையான நவரத்ன குருமா தயார்.

இதை பற்றிய உங்களின் கருத்துக்களை சொல்லவும்.

ஆலு பராத்தா

2010-01-27T14:05:00.000-08:00

தேவையான பொருட்கள்;
=======================
உள்ளே நிரப்புவதற்கு:
--------------------------------
உருளை கிழங்கு - மூன்று
பச்சை மிளகாய் - மூன்று
மிளகாய் தூள் - ஒரு டீஸ்பூன்
உப்பு - தேவையான அளவு
சாட் மசாலா - ஒரு சிட்டிகை
சர்க்கரை - ஒரு சிட்டிகை
பொடியாக நருக்கிய
கொத்தமல்லி - இரண்டு டேபிள்ஸ்பூன்
சீரகம் - ஒரு டீஸ்பூன்
பச்சை பட்டாணி - கால் கப் (தேவைப்பட்டால்)

மேல் மாவிற்கு :
-----------------------

மைதா - இரண்டு கப்
உப்பு - தேவையான அளவு
சர்க்கரை - ஒரு டீஸ்பூன்
சீரகம் - கால் டீஸ்பூன்
நீர் - மாவு பிசைவதற்கு
எண்ணெய் - பராத்தா செய்வதற்கு

செய்முறை:
============

* மாவு உருண்டையினுள் நிரப்புவதற்கு தேவையான உருளை கலவையை முதலில் தயார் செய்து வைத்துக்கொள்ளவும்.
* உருளை கிழங்கை தோல் சீவி நன்றாக வேக வைத்து மசித்துக்கொள்ளவும்.
* பட்டாணி தவிர மீதி அனைத்து பொருட்களையும் மசித்த உருளையுடன் சேர்த்து நன்றாக மசிக்கவும்..(வெந்த உருளை கிழங்கு மிக சூடாக இருக்கும் .கவனமாக கரண்டியால் கிளறவும்)
* பட்டாணியை ஒரு நிமிடம் உப்பு நீரில் வேக வைத்து நீரை வடித்து இந்த கலவையில் சேர்த்து கிளறவும்.
* உள்ளே நிரப்புவதற்கு கலவை தயார்.

மேல் மாவு செய்முறை:
-----------------------------------

* மைதா,உப்பு,சர்க்கரை,சீரகம் எல்லாவற்றையும் ஒன்றாக சேர்த்து நன்றாக பிசையவும்.

பாராத்தா செய்முறை:
***********************

# மேலே உள்ள படம் பதத்திற்கு மாவு வந்ததும் ஒரு எலுமிச்சை அளவு மாவை எடுத்து நன்றாக உருட்டி சப்பாத்தி போல் தேக்கவும்.

# ஒரு எலுமிச்சை அளவு உருளை கலவையை எடுத்து தேய்த்த மாவினுள் வைத்து மாவினால் மூடி மறுபடியும் சப்பாத்தி போல் தேய்க்கவும்.

# தேவையானால் கீழே ஒட்டாமல் இருக்க சிறிது மைதா மாவினை தூவி தூவி தேய்க்கவும்..

* தோசைக்கல்லை சூடாக்கி தேய்த்த பராத்தாவை போட்டு ஒரு புறம் சிவந்ததும் மறுபுறம் திருப்பி போட்டு சிறிது எண்ணெய் விட்டு மறுபுறம் சிவந்ததும் அதிலும் சிறிது எண்ணெய் விட்டு சமமாக பரப்பி எடுக்கவும்.

* சிறிது காய்வது போல் இருந்தாள் கொஞ்சம் வெண்ணை யை பராத்தா எடுத்தவுடன் மேலே தடவும்.

* செய்து முடித்தவுடன் சாப்பிட தாமதமாகுமானால் காற்று புகாத டப்பாவில் போட்டு வைத்துக்கொள்ளவும்.

குறிப்பு:
=======
பச்சை பட்டாணி மட்டுமே சேர்க்கலாம்.காய்ந்த பட்டாணியை வேக வைத்து சேர்த்தால் நல்லா இருக்காது.பச்சை பட்டாணியை வதக்கி உருளை கலவையில் சேர்த்து நன்கு மசித்து விடவும்.எப்படி செய்வதால் பராத்தா தேய்க்கும் பொழுது கடினமாக இருக்காது.

இதை பற்றிய உங்களின் கருத்துக்களை மறக்காமல் சொல்லுங்க..

மெது வடை

2010-01-18T14:39:00.000-08:00

தேவையான பொருட்கள்;

==========================

உருட்டு உளுந்து - ஒரு கப்

அரிசி மாவு - ஒரு டேபிள்ஸ்பூன்

உப்பு - தேவையான அளவு

கோஸ் - ஒரு ஸ்பூன்

வெங்காயம் - ஒரு ஸ்பூன்

மிளகாய் - ஒரு ஸ்பூன்

இஞ்சி - கால் ஸ்பூன்

கேரட் - கால் ஸ்பூன்

எண்ணெய் - பொரிக்க தேவையான அளவு

செய்முறை:

============

* உளுந்தை ஒரு மணி நேரம் ஊற வைத்து நீர் தெளித்து அரைத்து கொள்ளவும்.

* உப்பு சேர்த்து கலந்து குளிர்சாதன பெட்டியில் ஒரு மணி நேரம் வைக்கவும்.

* பின்பு மாவை எடுத்து பொடியாக அறிந்த காய்கறிகள் ,இஞ்சி,மிளகாய் சேர்த்து நன்றாக கலந்து அரிசி மாவை சேர்த்து கலக்கவும்.

* எண்ணையை நன்றாக சூடாக்கி வடை வடிவத்தில் மாவை உருட்டி எண்ணையில் போட்டு ஒரு பக்கம் நன்றாக வெந்ததும் மறு பக்கம் திருப்பி முறுகலாக்கி எடுக்கவும்.

* இந்த முறையில் செய்வதால் (ஒரு மணி நேரம் குளிர்சாதன பெட்டியில்+அரிசி மாவு) வெளிப்புறம் முறுகலாகவும் உள்புறம் மெதுவாகவும் இருக்கும்.தேவைக்கேற்ப காய்கறிகளின் அளவை குறைத்து காரத்தை ஏற்றி கொள்ளலாம்.

தோழர்,தோழிகளின் அன்பான விசாரிப்புகள் மின்னஞ்சல் மூலம் வந்து கொண்டே இருக்கிறது.உங்கள் அனைவரின் அன்பிற்கும் நன்றி.திடீரென்று வெளி நாட்டிற்கு பயணம் செல்ல நேர்ந்ததால் தான் பதிவிட தாமதமானது.இனி தொடர்ந்து பதிவுகள் வரும்.

இந்த குறிப்பை http://simplysara07.blogspot.com/2010/01/cfk-creative-food-for-pickyfussy-eaters.html
க்கு அனுப்பவுள்ளேன்.

இனிய புத்தாண்டு நல்வாழ்த்துக்கள்

2009-12-31T10:27:00.000-08:00

இனிய புத்தாண்டு நல்வாழ்த்துக்கள்

-Ammu

பாம்பே காரச்சி ஹல்வா

2009-12-15T07:01:00.000-08:00

தேவையான பொருட்கள்:
=========================

சர்க்கரை ஒரு கப்
தண்ணீர் - சர்க்கரை மூழ்கும் அளவு
கார்ன் மாவு - கால் கப்
தண்ணீர் - அரை கப்
நெய் - இரண்டு டேபிள்ஸ்பூன்
லெமன் ஜூஸ் - ஒரு டீஸ்பூன்
முந்திரி,பாதாம் - அலங்கரிக்க
கலர் பொடி - ஒரு சிட்டிகை(தேவைப்பட்டால்)
செய்முறை:
===========

* முதலில் சர்க்கரையில் சர்க்கரை முங்கும் அளவு நீர் ஊற்றி லெமன் ஜூஸ் விட்டு அடுப்பில் வைத்து சர்க்கரை கரையும் வரை வைக்கவும்.(கம்பி பாகு காய்ச்ச கூடாது)

* கார்ன் மாவை அரை கப் நீரில் கட்டி இல்லாமல் கரைத்து கொள்ளவும்.

* வேறு ஒரு பாத்திரத்தில் நெய் ஊற்றி கரைத்த கார்ன் மாவை ஊற்றி கிளறி அடுப்பை ஆன் செய்யவும்.(நெய்யுடன் மாவை கலந்த பிறகு தான் அடுப்பை ஆன் பண்ணனும்.)

* அடுப்பு தணலை மிக குறைவாக வைத்து கிளறவும்.

* கட்டியாக ஆரமித்ததும் அடுப்பை அணைத்து கரைந்த சர்க்கரை சாரை ஒரு ஒரு ஸ்பூனாக விட்டு கிளறவும்.(ஒரு ஸ்பூன் சர்க்கரை பாகை மாவில் விட்டதும் கிளறி ஒன்று சேர்ந்ததும் என்னும் ஒரு ஸ்பூன் விட்டு கிளறி ஒன்று சேர்ந்ததும் அடுத்து ..இதே போல் தொடர்ந்து செய்யவும்.அடுப்பு off ல இருக்கணும்.)

* மேலே குறிப்பிட்டுள்ளது போல் எல்லா பாகையும் சிறிது சிறிதாக மாவுடன் கலந்தவுடன் கலர் சேர்த்து அடுப்பை ஆன் செய்து குறைந்த தணலில் வைத்து கிளறவும்.

*ஹல்வா பதம் வந்ததும் முந்திரி,பாதாம் சேர்த்து இறக்கவும்.

* சில சோள மாவில் வாடை இருக்கும் அவ்வாறு இருப்பின் முதலில் வெறும் வாணலியில் வறுத்து இதே போல் செய்தால் நன்றாக இருக்கும்.

இதை பற்றிய உங்களின் கருத்துக்களை மறக்காமல் சொல்லிட்டு போங்க.நன்றி.

பரோட்டா

2009-12-11T14:34:00.000-08:00

தேவையான பொருட்கள்:
=======================
மைதா - மூன்று கப்
சர்க்கரை - ஒரு டேபிள்ஸ்பூன்
உப்பு - தேவையான அளவு
பால் - கால் கப்
மாவு பிசைய எண்ணெய் - மூன்று டேபிள்ஸ்பூன்
எண்ணெய் - பரோட்டா செய்வதற்கு
தண்ணீர் - மாவு பிசைய தேவையான அளவு

செய்முறை:
===========

* மைதா ,சர்க்கரை ,உப்பு,மூன்றையும் ஒன்றாக கலந்து பால செய்து பிசிந்து ஒரு நிமிடம் அப்படியே விட்டு தண்ணீர் சேர்த்து மாவு பிசைந்து மூன்று டேபிள்ஸ்பூன் எண்ணெய்யை மாவு ஊன்டையின் மேல் எல்லா பாகங்களிலும் படும்மாறு தடவி மூன்று மணி நேரம் ஊற வைக்கவும்.

* பின்பு சிறு சிறு உருண்டைகளாக உருட்டி சப்பாதிபோல் தேய்த்து சிறிது எண்ணெய் தடவவும்

* மேலும் நன்றாக தேய்த்து பெரிய வட்டமாக செய்து புடவைக்கு கொசுவம் வைப்பதுபோல் செய்து ஒரு பக்கத்திலிருந்து உருட்டி கொள்ளவும்.

மேலே கொடுத்துள்ள படம் போல் உருட்டிக்கொள்ளவும்.

* பின்பு (dry flour)மாவில் உருட்டி சப்பாத்தி போல் தேத்து சூடான தோசை கல்லில் போட்டு இரு போமும் சிவந்ததும் எண்ணெய் அல்லது நெய் ஊற்றி எடுக்கவும்.

* சுவையான பரோட்டா தயார்.

பரோட்டா செய்து முடித்ததும் மேலே வெண்ணெய் தடவவும்.(அடுப்பில் இருந்து எடுத்தபிறகு)இப்படி செய்வதினால் கடினம் ஆகாது.

இதை பற்றிய உங்களின் கருத்துக்களை மறக்காமல் சொல்லிட்டு போங்க.

விருதுகள்

2009-12-01T11:07:00.000-08:00

நன்றி கார்த்தி

நன்றி ஜலீலா அக்கா

நன்றி ஜூனோ

உங்களுக்கும் நன்றி ப்ரியா.

நன்றி சீதா.

நன்றி ப்ரியா.

பஜ்ஜி மிளகாய் பொரியல்

2009-12-01T10:59:00.000-08:00

தேவையான பொருட்கள்:
========================

பஜ்ஜி மிளகாய் - மூன்று
பச்சை மிளகாய் - இரண்டு
சம்பார பொடி - ஒரு டீஸ்பூன்(சாம்பார் பொடி இல்லை)
உப்பு- தேவையான அளவு
தாளிப்பதற்கு:
============
வெண்ணை
கடுகு
சீரகம்
மிளகா வற்றல்
உளுந்தம் பருப்பு
பெருங்காயம்
நசுக்கிய பூண்டு - இரண்டு பல்
மஞ்சள் தூள் - ஒரு சிட்டிகை

செய்முறை:
===========

* முதலில் ஒரு கடாயில் வெண்ணை ஊற்றி உருகியதும் தாளிக்க வேண்டியவற்றை தாளித்து பச்சை மிளகாய் சேர்த்து ஒரு நொடி வதக்கி உடனே நறுக்கி வைத்துள்ள பஜ்ஜி மிளகாயை சேர்க்கவும்.

* உப்பு சேர்த்து இரண்டு நிமிடம் வதக்கவும்.

* சம்பார பொடி சேர்த்து ஒரு நிமிடம் வதக்கி பரிமாறவும்.

* சுவையான பஜ்ஜி மிளகா பொரியல் தயார்.

குறிப்பு:

=======

இதனை காலையில் எளிதாக செய்து பிரெட் உள்ளே சான்விட்ச் போல் வைத்து சாப்பிடலாம்.

சாம்பார் சாதம்,ரசம் சாதம்,தயிர் சாதம் எல்லாவற்றிற்கும் நன்றாக இருக்கும்.

இதை பற்றிய உங்களின் கருத்துக்களை மறக்காமல் சொல்லிட்டு போங்க.

பேசில் ப்ரைட் ரைஸ்

2009-11-15T14:37:00.000-08:00

தேவையான பொருட்கள்:
========================

பேசில் இலை - ஐந்து
சில்லி கார்லிக் சாஸ் - மூன்று டீஸ்பூன்
பச்சை பட்டாணி - அரை கப்
பச்சை மிளகாய் - மூன்று
கோஸ் ,கேரட் - சிறிதளவு
வெள்ளை மிளகு தூள் - ஒரு டீஸ்பூன்.
உப்பு - தேவையான அளவு
எண்ணெய் - ஒரு தேக்கரண்டி
அரிசி - ஒரு கப்
அஜினமோட்டோ - ஒரு சிட்டிகை(விருப்பமிருந்தால்)
கடுகு - ஒரு டீஸ்பூன்
மிளகாய் வத்தல் - மூன்று(தாளிப்பிர்க்கு)
மிளகாய் வற்றல் - ஆறு

செய்முறை:
============
* சாதத்தை உதிரி உதிரியாக வடித்துக்கொள்ளவும்.

* மிளகாய் வற்றலை பொடித்து கொள்ளவும்.(வறுக்க கூடாது)

* ஒரு கடாயில் எண்ணெய் ஊற்றி காய்ந்ததும் கடுகு தாளித்து மிளகாய் வற்றல் சேர்க்கவும்.

* வற்றல் பொரிந்ததும் சில்லி கார்லிக் சாஸ் சேர்த்து அரை நொடி வதக்கி பட்டாணி,மிளகாய், காய் கறிகளை வதக்கவும்.பேசில் இலை சேர்த்து வதக்கவும்.

(கோஸ்சை மெலிதாக நீளமாக நறுக்கவும்.)

* உப்பு சேர்த்து மிளகு தூள்,அஜினமோட்டோ,தூள் செய்த மிளகாய் வற்றல் சேர்த்து அரை வேக்காடாக வதக்கி சாதம் சேர்த்து இறக்கவும்.

* சுவையான பேசில் ப்ரைட் ரைஸ் ரெடி.இந்த முறையில் செய்யும் ப்ரைட் ரைஸ் மலேசியாவில் செய்வார்களாம்..ஒரு முறை மலேசியன் ரெஸ்டாரெண்ட் டில் சாப்பிட்ட பொழுது ருசி அபாரமாக இருந்தது.அவர்களிடம் கேட்டு வாங்கிய குறிப்பு இது..இதே ப்ரைட் ரைஸ்ஸை இன்னும் நான்கு முறையில் செய்யலாமாம்..

இதில் ரெடிமேட் மிளகாய் தூள் சேர்க்க கூடாது.ருசி நன்றாக இருக்காது.

கவனம்:இந்த டிஷ் மிக மிக ஸ்பைசியாக இருக்கும்.

இதை பற்றிய உங்களின் கருத்துக்களை மறக்காமல் சொல்லிட்டு போங்க..

ராகி சூப்

2009-11-03T12:28:00.000-08:00

தேவையான பொருட்கள்:
=========================
ராகி மாவு - ஒரு கப்
தண்ணீர் - ஒன்றரை கப்
சர்க்கரை - ஒரு சிட்டிகை
சாக்லேட் சிரப் - ஐந்து டிராப்
சாக்லேட் மில்க் - கால் கப்

செய்முறை:
===========

* முதலில் ராகி மாவில் ஒரு சிட்டிகை சர்க்கரை மற்றும் நீர் சேர்த்து கட்டி இல்லாமல் கரைத்து கொள்ளவும்.

* பின்பு மிதமான தீயில் பத்து நிமிடங்கள் கொதிக்க விடவும்.

* அடுப்பு தணலை குறைத்து ராகி கலவையில் சாக்லேட் சிரப் சேர்த்து நன்கு கலந்து மேலும் ஒரு நிமிடம் கொதிக்க வைத்து எடுக்கவும்.

* நன்கு ஆறியதும் அதில் சாக்லேட் மில்க் சேர்த்து கலந்து பரிமாறவும்.

* சுவையான ராகி சூப் தயார்.

கோவில் கதம்ப சாதம்

2009-10-27T23:46:00.000-07:00

தேவையான பொருட்கள்:
=========================
அரிசி - இரண்டு கப்
பெரிதாக நருக்கிய காய்கறிகள் - ஒன்றரை கப் (வெள்ளை பூசணி துண்டுகள்,வெண்டைக்காய்,வாழைக்காய்,கத்தரிக்காய்,அவரைக்காய்,கேரி,உருளை,டபிள் பீன்ஸ்,உருளை,பட்டாணி)
துவரம் பருப்பு - ஒண்ணேகால் கப்
தேங்காய் - அரை மூடி
மிளகாய் வற்றல் - மூன்று
பச்சை மிளகாய் துண்டுகள் - கால் டேபிள்ஸ்பூன்
மஞ்சள் தூள் - ஒரு டீஸ்பூன்
தக்காளி - இரண்டு
பெருங்காயம் - அரை டீஸ்பூன்
கறிவேப்பிலை - ஒரு கொத்து.
கடுகு - ஒரு டீஸ்பூன்

எண்ணையில் வறுக்க:
----------------------------------
தனியா - ஒரு கைப்பிடி
கடலை பருப்பு - அரை கைப்பிடி
உளுத்தம் பருப்பு - ஒரு டேபிள்ஸ்பூன்
மிளகாய் வற்றல் - ஐந்து
தேங்காய் துருவல் - அரை மூடி
பெருங்காயம் - ஒரு டீஸ்பூன்
மஞ்சள் தூள் - ஒரு டீஸ்பூன்
கறிவேப்பிலை - இரண்டு ஆர்க்

வடை செய்வதற்கு:
==================
உளுந்து - ஒரு கப்
மிளகாய் - இரண்டு

உப்பு - தேவையான அளவு
எண்ணெய் - பொரிப்பதற்கு தேவையான அளவு
அரிசி மாவு - இரண்டு டீஸ்பூன்
இஞ்சி துருவல் - ஒரு டீஸ்பூன்
கறிவேப்பிலை நறுக்கியது -ஒரு டேபிள்ஸ்பூன்

செய்முறை:
============

* முதலில் பருப்பை நன்கு குழைய வேக வைத்துக்கொள்ளவும்.

* வறுக்க கொடுத்துள்ள பொருட்களை ஒரு குழிகரண்டி நல்லெண்ணையில் சிவக்க வறுத்து தேங்காய்,இரண்டு தக்காளி சேர்த்து மைய அரைத்துக்கொள்ளவும்.

* அரிசியை நன்றாக களைந்து நன்கு குழைய வேக வைத்துக்கொள்ளவும்.

* குழம்பு செய்ய வேண்டிய பாத்திரத்தை அடுப்பில் வைத்து எண்ணெய் ஊற்றி காய்ந்ததும் கடுகு தாளித்து மிளகாய் வற்றல் சேர்த்து பொரிய விடவும்.

* பின்பு கறிவேப்பிலை போட்டு பொரிந்ததும் பெருங்காயம்,மஞ்சள் தூள் ,பச்சை மிளகாய் ,மிளகாய் வற்றல் சேர்த்து அரை நொடி வதக்கி காய்கறிகளை சேர்க்கவும்.

* உப்பு சேர்த்து வதக்கி புளி தண்ணீர் சேர்த்து காய்களை வேக விடவும்.

* காய்கறிகள் நன்று வெந்ததும் அரைத்து வைத்துள்ள மசாலாவை சேர்த்து சிம்மில் வைத்து இரண்டு நிமிடங்கள் கொதிக்க இடவும்.

* கொதித்ததும் வேக வைத்துள்ள பருப்பை சேர்த்து மேலும் இரண்டு நிமிடம் கொதிக்க விடவும்.

* கொதித்ததும் கொத்தமல்லி இலைகளை தூவவும்.

* சாதத்தை எடுத்து நன்கு மசித்து அதில் இந்த குழம்பை சேர்த்து நன்கு கிளறி உப்பு சரி பார்க்கவும்.

* குழம்பு சேர்த்து கலந்தபின் கலவை குழ குழ வென்று இருக்க வேண்டும்..கெட்டியாக இருக்க கூடாது.

* எல்லாம் ஒன்று சேர்ந்ததும் வடையை சேர்த்து கிளறவும்.(வடையின் செய்முறை கீழே பார்க்கவும்).

* சுவையான கதம்ப சாதம் தயார்.இந்த முறையில் தான் கோவில்களில் செய்கிறார்கள்.
எனக்கு மிகவும் பிடிக்கும்.நீங்களும் கண்டிப்பாக செய்து பாருங்கள்.

வடை செய்வதற்கு:
==================

* உளுந்தை இரண்டு மணி நேரம் ஊற வைத்து லேசாக நீர் தெளித்து கெட்டியாக அரைத்துக்கொள்ளவும்.

* அரைத்த மாவை ஒரு மணி நேரம் குளிர்சாதனப்பெட்டியில் வைக்கவும்.

* பின்பு எடுத்து அதில் இஞ்சி ,கறிவேப்பிலை,உப்பு,மிளகாய் சேர்த்து கலக்கவும்.

* அரிசி மாவை சேர்த்து கலக்கவும்.

* ஒரு கடாயில் வடை பொரிக்க தேவையான அளவு எண்ணெய் ஊற்றி காயவைத்து கலந்து வைத்துள்ள மாவை சிறு சிறு போண்டாக்களாக உருட்டி எண்ணெயில் பொரித்தெடுக்கவும்.

* இது கதம்ப சாதத்திற்கு போடும் வடையின் முறை.இதை போண்டாக்களின் வடிவத்தில் தான் செய்வார்கள்.

குறிப்பு:
=======

சாதத்தின் பதம் நன்றாக இருந்தால்தான் கதம்பம் சுவையாக இருக்கும்.சாதத்தின் பதம் சரி பார்க்க ஓர் கரண்டி சாதம் எடுத்து ஒரு தட்டில் வைத்து கைய்யால் அழுத்தி பார்த்தால் உருளை மசியல் போல் ஆகிவிடும் .அதுவே சரியான பதம்.காய்கள் நறுக்கும் பொழுது பெரிதாக இருக்க வேண்டும் அப்பொழுது தான் அழியாமல்(குழையாமல்) இருக்கும்.
கடைசியில் தேங்காய் எண்ணெயில் மிதுக்க வற்றல் மற்றும் சுண்டைக்காய் வற்றல் பொரித்து சேர்க்கலாம்..

இதை பற்றிய உங்களின் கருத்துக்களை மறக்காமல் சொல்லிட்டு போங்க.

திரட்டிப்பால்(நூறாவது பதிவு):)

2009-10-09T18:02:00.000-07:00

தேவையான பொருட்கள்:
==========================
பால் - ஐந்து கப்
லெமன் ஜூஸ் - இரண்டு டேபிள்ஸ்பூன்
சர்க்கரை - முக்கால் கப்
நெய் - இரண்டு டேபிள்ஸ்பூன்
ஏலாச்சி பொடி - ஒரு சிட்டிகை

செய்முறை:
=============
* இந்த திரட்டிப்பால் செய்யும் பொழுது அடுப்பு தணல் சிம்மில் தான் இருக்கணும்..

* பாலை ஒரு பாத்திரத்தில் போட்டு கொதிக்க விடவும்.

* ஒரு மூன்று நிமிடம் கொத்தும் லெமன் ஜூஸ் விடவும்.

* பால் திரிந்து தண்ணீர் தனியாக வரும்.

*அப்படி வந்ததும் சர்க்கரை மற்றும் நெய் சேர்த்து நன்கு கிளறி நாற்பது நிமிடம் லோ ப்ளேமில் வைத்து கிளறவும்.(கிளறிக்கொண்டே இருக்கணும்னு அவசியம் இல்லை..அப்பப்போ கிளறினால் போதும்)(தண்ணீரை வடி கட்ட தேவையில்லை..அப்படியே வைத்து கிளறினால் மிக சாப்ட்டாக வரும்.வடிகட்டிவிட்டும் செய்யலாம்..நான் வடிகட்டமட்டேன் பொதுவாக)

* எல்லாம் ஒன்று சேர்ந்து வரும்.தணலை அணைத்து சிறிது நேரம் ஆற விட்டு விரும்பிய வடிவத்தில் வெட்டி கொள்ளலாம்.

இதை பற்றி உங்களின் கருத்துக்களை மறக்காமல் சொல்லிட்டு போங்க..

* சுவையான தித்திக்கும் திரட்டிப்பால் தயார்.இது என்னுடைய நூறாவது பதிவு..இதுவரை உங்களின் கருத்துக்களை என்னிடம்பகிர்ந்து என்னை ஊக்குவித்த அனைவருக்கும் ரொம்ப நன்றி..:)

Award Time..Chop..Chop..

2009-10-08T11:18:00.000-07:00

Thanks Sangeetha.,Thanks malar...So nice of you dears...

Thanks Sumo..

I want to share these two awards with all the followers in my blog..So please copy the above two images and put it in your blog guys..Thanks..

ஸ்ட்ராபெர்ரி ஸ்மூதி

2009-10-07T23:02:00.000-07:00

தேவையான பொருட்கள்:

==========================

ஸ்ட்ராபெர்ரி - ஐந்து

பால் - ஒரு கப்

விப்டு கிரீம் - ஒரு டேபிள்ஸ்பூன்

ரோஸ் எசன்ஸ் - ஒரு டிராப்

சர்க்கரை - மூன்று டேபிள்ஸ்பூன்

ரோஸ் கலர் - ஒரு டிராப்

செய்முறை:

============

* மேலே கொடுத்துள்ள அனைத்து பொருட்களையும் மிக்சரில் சேர்த்து நன்கு அரைத்தெடுக்கவும்.

* சுவையான பரேஷ்ஷான ஸ்ட்ராபெர்ரி ஸ்மூதி தயார்..

* குளிர்சாதனப்பெட்டியில் ஒரு மணி நேரம் வைத்து குடிக்கவும்.

இதை பற்றிய உங்களின் கருத்துக்களை மறக்காமல் சொல்லிட்டு போங்க..

குவிக் அண்ட் ஸ்பைசி மாங்காய் ஊறுகாய்

2009-10-07T00:15:00.000-07:00

தேவையான பொருட்கள்:

=========================

நருக்கிய மாங்காய் துண்டுகள் - ஒரு கப்

ஊறுகாய் தூள் - இரண்டு டேபிள்ஸ்பூன்

கடுகு - இரண்டு டேபிள்ஸ்பூன்

வெந்தயம் - கால் டீஸ்பூன்

உப்பு - தேவையான அளவு

நல்லெண்ணெய் - இரண்டு டேபிள்ஸ்பூன்

செய்முறை:

===========

* முதலில் ஊறுகாய் பொடி தயார் செய்து கொள்ளவும்.ஊறுகாய் பொடி செய்வதற்கு ஆறு மிளகாய் வற்றல் ,கால் டீஸ்பூன் பெருங்காயம்,கால் டீஸ்பூன் பூண்டு பொடி,நான்கு கறிவேப்பிலை இலை எல்லாத்தையும் மிக்சியில் பொடி பண்ணி கொள்ளவும்.(வறுக்க கூடாது)

* பின்பு ஒரு டேபிள்ஸ்பூன் கடுகு,வெந்தயத்தை வெறும் வாணலியில் வறுத்து பொடித்து கொள்ளவும்.

* பின்பு ஒரு வாணலியில் எண்ணெய் ஊற்றி மீதம் இருக்கும் கடுகு சேர்த்து பொரிந்ததும் ஊறுகாய் பொடி சேர்த்து வறுத்து மாங்காய் சேர்த்து ஒரு நொடி கிளறி

இறக்கவும்.

* பொடித்து வைத்துள்ள கடுகு வெந்தய பொடி கால் டீஸ்பூன் சேர்த்து கிளறவும்.சுவையான மாங்காய் ஊறுகாய் ரெடி .

இதை பற்றிய உங்களின் கருத்துக்களை மறக்காமல் சொல்லிட்டு போங்க..

ஸ்பைசி பொடி லெமன் ரைஸ்

2009-10-06T23:53:00.000-07:00

தேவையான பொருட்கள்:

========================

ஒரு ஸ்பூன் எண்ணையில் வறுத்து பொடிப்பதற்கு:

--------------------------------------------------------------------------

தனியா - ஒரு டேபிள்ஸ்பூன்

கடலை பருப்பு - முக்கால் டேபிள்ஸ்பூன்

மிளகாய் வற்றல் - ஐந்து

பெருங்காயம் - ஒரு சிட்டிகை

பூண்டு பொடி - கால் டீஸ்பூன்

நல்லெண்ணெய் - ஒரு டீஸ்பூன்

தாளிப்பதற்கு:

****************

கடுகு - ஒரு டீஸ்பூன்

மிளகாய் வற்றல் - மூன்று

பச்சை மிளகாய் - மூன்று

உளுத்தம் பருப்பு - ஒரு டீஸ்பூன்

கடலை பருப்பு - ஒரு டீஸ்பூன்

நிலக்கடலை பருப்பு - ஒரு டேபிள்ஸ்பூன்

கறிவேப்பிலை - ஒரு ஆர்க்

பெருங்காயம் - ஒரு சிட்டிகை

மஞ்சள் தூள் - கால் டீஸ்பூன்

நருக்கிய சின்ன வெங்காயம் - ஒரு கப்

உப்பு - தேவையான அளவு.

முந்திரி - இரண்டு டீஸ்பூன்

லெமன் ரைஸ்சிற்கு :

_______________________

வடித்த சாதம் - ஒன்றரை கப்

லெமன் சாறு - இரண்டு டேபிள்ஸ்பூன்(புளிப்பு எவ்வளவு தேவையோ அவ்வளவு சேர்த்துக்கொள்ளுங்கள்)

உப்பு - தேவையான அளவு

நருக்கிய கொத்தமல்லி - ஒரு கைப்பிடி

செய்முறை:

============

* முதலில் வருக்க கொடுத்துள்ளவற்றை எண்ணெயில் ஒன்றன் பின் ஒன்றாக சேர்த்து நன்கு வாசனை வரும் வரை வறுத்து ஆறியதும் பொடித்துக்கொள்ளவும்.

* வடித்த சாதத்தில் லெமன் சாறு,உப்பு,கொத்தமல்லி தலை சேர்த்து கிளறி கொள்ளவும்.

* தாளிக்க கொடுத்துள்ள வற்றை தாளித்து சாதத்தில் சேர்க்கவும்.

* பொடித்து வைத்துள்ள பொடியை காரத்திற்கு தகுந்தாற்போல் சேர்த்து நன்றாக எல்லாம் ஒன்று சேரும் படி கலக்கவும்.

* உப்பு சரி பார்த்து சாப்பிடவும்.

* சுவையான ஸ்பைசி லெமன் ரைஸ் தயார்.

இதை பற்றிய உங்களின் கருத்துக்களை மறக்காமல் சொல்லிட்டு போங்க..

ஸ்பைசி பொடேடோ கறி.

2009-10-06T08:27:00.000-07:00

தேவையான பொருட்கள்:

==========================

முக்கோணமாக நருக்கிய உருளை - ஒரு கப்

வர மிளகாய் -ஐந்து

பூண்டு - மூன்று

கடுகு - ஒரு டீஸ்பூன்

சீரகம் - ஒரு டீஸ்பூன்

கருவேப்பிலை - ஒரு ஆர்க்

உப்பு - தேவையான அளவு

இஞ்சி துருவல் - இரண்டு டீஸ்பூன்

மஞ்சள் தூள் - கால் டீஸ்பூன்

நல்லெண்ணெய் - தேவையான அளவு

பச்சை பட்டாணி - கால் கப்(விருப்பப்பட்டால்)

நெய் - கால் ஸ்பூன்

எலுமிச்சை சாறு - ஒரு சொட்டு

செய்முறை:

===========

* முதலில் வரமிளகாய்யை பூண்டு சேர்த்து சிறிது நீர் சேர்த்து பேஸ்ட் போல் அரைத்து கொள்ளவும்.பேஸ்ட் கெட்டியாக இருக்கணும்.

* ஒரு கடாயில் எண்ணெய் ஊற்றி காய்ந்ததும் கடுகு,சீரகம் தாளித்து கறிவேப்பிலை சேர்த்து பொரியவிடவும்.

* இஞ்சி சேர்த்து வறுக்கவும்.

* அரைத்த விழுது உப்பு மஞ்சள் தூள் சேர்த்து பச்சை வாசனை போகு வரை நன்கு வதக்கவும்.

* பச்சை பட்டாணி ,நருக்கிய உருளை கிழங்கை சேர்த்து நன்றாக பிரட்டி அடுப்பு தணலை சிம்மில் வைக்கவும்.

* நன்றாக வெந்ததும் (மசியும் அளவு வேக வைக்க கூடாது)ஒரு சொட்டு எலுமிச்சை சாறு ஊற்றி கிளறி இறக்கவும்.கால் ஸ்பூன் நெய் சேர்க்கவும்.

* சுவையான ஸ்பைசி பொடேடோ கறி தயார்..

* இது எலுமிச்சை சாதம்,வைத்த குழம்பு சாதம்,மற்றும் எல்லா கட்டு சாதத்துடனும் நன்றாக இருக்கும்.

இதை பற்றி உங்களின் கருத்துக்களை மறக்காமல் சொல்லிட்டு போங்க..

உடல் நிலை காரணத்தால் டெகரேஷன் செய்வதற்கு கிராபிக்ஸ் உதவியை நாட வேண்டியதாயிற்று.. நன்றாக இல்லை என்றால் பொறுத்துக்கொள்ளுங்கள்:)

பேச்சுலர்ஸ் தக்காளி தொக்கு:

2009-10-01T19:57:00.000-07:00

தேவையான பொருட்கள்:

=========================

தக்காளி -மூன்று

பெருங்காய தூள் - ஒரு சிட்டிகை

மிளகாய் தூள் - ஒரு டீஸ்பூன்

இஞ்சி துருவல் - ஒரு டீஸ்பூன்

உப்பு - தேவையான அளவு

நல்லெண்ணெய் - ஒரு டீஸ்பூன்

செய்முறை:

===========

* முதலில் தக்காளி மற்றும் இஞ்சியை தண்ணீர் விடாமல் நன்றாக அரைத்து கொள்ளவும்.

*கடாயில் எண்ணெய் ஊற்றி காய்ந்ததும் அரைத்த கலவையை செய்து உப்பு மற்றும் பெருங்காயதூள் சேர்த்து நன்கு கிளறவும்.

*சிம்மில் வைத்து கிளறவும்.ஒரு நிமிடத்தில் மிளகாய் தூள் சேர்க்கவும்.

* நன்றாக எண்ணெய் கக்கி சுருண்டு வரும் பொழுது இறக்கவும்.(ஐந்து ஆறு நிமிடங்கள் ஆகும்.)

* இதனை மிக எளிதில் தயாரித்து விட முடியுமானதால் இது பேச்சுலர்ஸ்சுக்கு ஒரு நல்ல குறிப்பு...இதனை பத்து நிமிடத்தில் தயாரித்து விடலாம்..அதிக பொருட்களும் தேவை இல்லை..உவை மிக நன்றாக இருக்கும்..கொஞ்சம் அதிகமாக செய்து பாட்டிலில் போட்டு வைத்தால் ஒரு வாரம் வரை சலித்து போகாமல் இருக்கும்..

இது இட்லி,தோசை,சப்பாத்தி,பூரி,மற்றும் கலவை சாதங்கள்ளுக்கு மிக நன்றாக இருக்கும்..கண்டிப்பா செய்து பாருங்க..

இதை பற்றி நீங்க என்ன நினைக்கறீங்கன்னு மறக்காம சொல்லிட்டு போங்க..

சாம்பார்/குழம்பு பொடி

2009-10-01T12:10:00.000-07:00

தேவையான பொருட்கள்:

=======================

தனியா - ஒரு கப்

கடலை பருப்பு - ஒரு டேபிள்ஸ்பூன்

துவரம் பருப்பு - ஒரு டேபிள்ஸ்பூன்

உளுத்தம்பருப்பு - ஒரு டீஸ்பூன்

மிளகாய் வற்றல் - எட்டு(காரத்திற்கு தகுந்தார்ப்போல்)

மிளகு - ஒரு டீஸ்பூன்

சீரகம் - ஒரு டீஸ்பூன்

பெருங்காயம் தூள் - ஒரு டீஸ்பூன்

கறிவேப்பிலை - ஒரு கொத்து (தேவைப்பட்டால்)

வெந்தயம் - ஒரு டீஸ்பூன்

எண்ணெய் - ஒரு டேபிள்ஸ்பூன்

செய்முறை:

============

* ஒரு கடாயில் ஒரு டேபிள்ஸ்பூன் எண்ணெய் ஊற்றி காயவைத்து பருப்பு வகைகளை முதலில் சேர்த்து சிவக்க வறுக்கவும்.

* பருப்புகள் நன்றாக வறுபட்டதும் மீதம் உள்ள பொருட்களை சேர்த்து வறுத்து ஆறவிடவும்.

* நன்றாக ஆறியதும் மிக்சியில் பொடி செய்து மேலும் ஒரு இரண்டு நிமிடம் வெளியில் வைத்து பின்பு டப்பாவில் போட்டு மூடி வைத்தால் இரண்டு மாதம் வரை வாசனையுடன் இருக்கும்.

* மணக்கும் சாம்பார் பொடி தயார்..இதை பற்றிய உங்களின் கருத்துகளை மறக்காமல் சொல்லிட்டு போங்க..

இந்த பொடியின் குறிப்பு ஒரு பிரபல உணவகத்திலிருந்து வாங்கியது..குழம்பு மிக சுவையுடன் வருகிறது..ஆகவே அனைவரும் ஒரு முறை இதே அளவில் பொருட்கள் சேர்த்து செய்து பாருங்கள்..

கொள்ளு தோசை

2009-09-29T21:50:00.000-07:00

தேவையான பொருட்கள்:

==========================

கொள்ளு பொடி -இரண்டு கப்

கோதுமை மாவு - அரை கப்

மைதா - கால் கப்

அரிசி மாவு - ஒரு கப்

இஞ்சி துருவல் - இரண்டு தேக்கரண்டி

பச்சை மிளகாய் - நான்கு

உப்பு - தேவையான அளவு

மஞ்சள் தூள் - கால் தேக்கரண்டி

நருக்கிய கொத்தமல்லி,கறிவேப்பிலை - மூன்று டேபிள்ஸ்பூன்

நல்லெண்ணெய் - தோசைக்கு விட தேவையான அளவு

செய்முறை:

============

* மேலே கொடுத்துள்ள அனைத்து பொருட்களையும் நீர் விட்டு தோசை மாவு பதத்திற்கு கரைத்துக்கொள்ளவும்.

* ஒரு பத்து நிமிடம் ஊற விடவும்.

* பின்பு தோசை கல்லை சூடேற்றி மாவை தோசைகளாக ஊற்றி சற்று சிவந்ததும் திருப்பி போட்டு சற்று மொரு மொருப்பானதும் இறக்கவும்.

* சுவையான கொள்ளு தோசை தயார்.

* தோசை செய்யும் பொழுது அடுப்பு தனை மீடியமில் வைத்து தான் செய்ய வேண்டும்.இல்லையென்றால் தோசை சரியாக வராது பிய்ந்து விடும்.

* இதற்க்கு பக்க உணவாக தக்காளி தொக்கு,தேங்காய் சட்டினி,தோசை சாம்பார் பக்க உணவாக வைத்து சாப்பிட சுவை ரொம்ப நன்றாக இருக்கும்.குழந்தைகளுக்கு என்றால் சர்க்கரை மற்றும் தோசை மிளகாய் பொடியை சேர்த்து கலந்து தோசையின் நடுவில் வைத்து ஸ்டப் செய்து கொடுக்கலாம்.

இதனை பற்றி உங்கள் கருத்துக்களை மறக்காமல் சொல்லிட்டு போங்க..

--அம்மு.

பத்தூரா அண்ட் பஞ்சாபி சோளே மசாலா

2009-09-28T21:51:00.000-07:00

பத்தூராவிர்க்கு தேவையான பொருட்கள்;

=======================================

மைதா - இரண்டு கப்

தயிர் - முக்கால் கப்

எண்ணெய் - பொரிப்பதற்கு தேவையான அளவு

உப்பு - தேவையான அளவு

சர்க்கரை - ஒரு சிட்டிகை

செய்முறை:

============

* மைதா,தயிர்,உப்பு,சர்க்கரை எல்லாத்தையும் சேர்த்து நன்றாக சாப்ட்டாக பிசைந்து ஒரு டீஸ்பூன் எண்ணெய் யை மாவின் எல்லா பக்கங்களிலும் படுமாறு தேய்த்து மூன்று மணி நேரம் ஊற விடவும்.

* எண்ணெயை சூடாக்கி கொள்ளவும்.

* நன்றாக ஊறியதும் பெரிய பெரிய பதூராக்களாக இட்டு சீராக தேய்த்து எண்ணெய் சூடானதும் பொரித்தெடுக்கவும்.

* பத்தூராவை இடும் பொழுது எல்லா பாகங்களிலும் ஒரே அளவில் இட வேண்டும்.இல்லையென்றால் உப்பாது..

* சுவையான பத்தூரா தயார்..

பஞ்சாபி சோளே மசாலா செய்ய தேவையான பொருட்கள்:
======================================================

சென்னா - ஒரு கப்
தக்காளி - இரண்டு
வெங்காயம் - ஒன்று
பச்சை மிளகாய் - மூன்று
முந்திரி - இரண்டு ஸ்பூன்
இஞ்சி துருவல் - ஒரு டீஸ்பூன்
பூண்டு - ஊன்று பல்
மிளகாய் தூள் - ஒன்றரை டீஸ்பூன்
தனியா - ஒரு டீஸ்பூன்
மஞ்சள் தூள் - கால் டீஸ்பூன்
புளி தண்ணீர் - அரை கப்
உப்பு - தேவையான அளவு
பே லீவ்ஸ் - மூன்று
சீரகம் - ஒரு டீஸ்பூன்
எண்ணெய் - ஒரு குழி கரண்டி

செய்முறை:
===========

* தனியாவை பச்சையாக பொடித்துக்கொள்ளவும்.

* சென்னாவை உப்பு,மஞ்சள் தூள் சேர்த்து நன்றாக வேக வைக்க வேண்டும்.

* வெங்காயம்,தக்காளி,முந்திரி,பச்சை மிளகாய்,இஞ்சி,பூண்டு எல்லாத்தையும் சிறிது உப்பு சேர்த்து நன்றாக மையாக அரைத்து கொள்ளவும்.

* ஒரு கடாயில் எண்ணெய் ஊற்றி காய்ந்ததும் பே லீவ்ஸ் போட்டு வதக்கவும்.

* அரைத்த விழுதை சேர்த்து அடுப்பு தணலை சிம்மில் வைத்து எழு எட்டு நிமிடங்கள் நன்றாக அதக்கவும்.நன்றாக எண்ணெய் பிரிந்து வரும்.

* எல்லா தூள்களையும் சேர்த்து உப்பு சேர்த்து நன்றாக பிரட்டி புளி நீர் சேர்த்து மேலும் ஐந்து நிமிடங்கள் வதக்கவும்.

* வேக வைத்த சென்னாவை சேர்த்து கொத்தமல்லி சேர்த்து மூன்று நிமிடங்கள் வதக்கி எடுக்கவும்.

* மூன்று சிட்டிகை எலுமிச்சை சாறு பிழியவும்.

* சுவையான சோளே மசாலா தயார்.

இதனை பற்றி உங்கள் கருத்துக்களை மறக்காமல் சொல்லிட்டு போங்க..நன்றி...

விஜயதசமி நல்வாழ்த்துக்கள்

2009-09-27T18:55:00.000-07:00

எங்கள்(புகுந்த வீட்டில்) வீட்டில் வைத்திருந்த கொலு....அனைவருக்கும் விஜயதசமி நல்வாழ்த்துக்கள்..

பூண்டு ரசம் (poondu soup/poondu rasam)

2009-09-22T14:29:00.000-07:00

தேவையான பொருட்கள் :
=======================

புளி - எலுமிச்சை அளவு

பச்சை மிளகாய் - மூன்று

ரசம் பொடி - மூன்று டேபிள்ஸ்பூன்

தக்காளி - ஒன்று

தேங்காய் துருவல் - ஒரு டீஸ்பூன்(விருப்பபட்டால்)

கறிவேப்பிலை - ஒரு கொத்து

கொத்தமல்லி - ஒரு கைப்பிடி

மஞ்சள் தூள் - ஒரு சிட்டிகை

பெருங்காயத்தூள் - ஒரு பின்ச்

பூண்டு - இருபத்திரெண்டு பல்

இஞ்சி துருவல் - ஒரு டீஸ்பூன்

மிளகாய் வற்றல் - ஒன்று

நல்லெண்ணெய் - இரண்டு டீஸ்பூன்

தேங்காய் எண்ணெய் - ஒரு டீஸ்பூன்

சீரகம் - ஒரு டீஸ்பூன்

உப்பு - தேவையான அளவு

செய்முறை:

===========

* புளியை மூன்று டம்பளர் தண்ணீரில் கலந்து கொள்ளவும்.

* புளியில் பச்சை மிளகாய்,மஞ்சள் தூள்,பாதி கறிவேப்பிலை,தக்காளி,நல்லெண்ணெய்

சிறிது உப்பு சேர்த்து பச்சை வாசனை போகும் வரை கொதிக்க வைக்கவும்.

* நன்கு கொதித்து பச்சை வாசனை போனதும் ரசம் பொடி சேர்த்து மூன்று நிமிடம்

கொதிக்க விடவும்.

* பின்பு தேவையான அளவு நீர் விட்டு கொத்தமல்லி,உப்பு சேர்த்து கொதிக்க விடவும்.

* வேறு ஒரு கடாயை அடுப்பில் வைத்து தேங்காய் எண்ணெய் ஊற்றி காய வைத்து

பூண்டு,இஞ்சி,மிளகாய் வற்றல்,கறிவேப்பிலை,சீரகம்,தேங்காய்

துருவல்,பெருங்காயதூள் சேர்த்து பூண்டு சிவக்கும் வரை வறுத்து ரசத்தில்

சேர்க்கவும்.

* சுவையான பூண்டு ரசம் தயார்..

செய்து பார்த்து உங்களின் கருத்தை பகிர்ந்து கொள்ளுங்கள்..

புளி மிளகாய்

2009-09-18T13:50:00.000-07:00

தேவையான பொருட்கள்:

=========================

பச்சை மிளகாய் - (சின்னது) இருபது (காரத்திற்கு தகுந்தாற்போல்)

புளி - ஒரு டேபிள்ஸ்பூன்

நருக்கிய கொத்தமல்லி - ஒரு கப்

துருவிய இஞ்சி - ஒரு டீஸ்பூன்

உப்பு - தேவையான அளவு

வெந்தயம் - கால் டீஸ்பூன்

மஞ்சள் தூள் - கால் டீஸ்பூன்

பெருங்காயம் - கால் டீஸ்பூன்

செய்முறை:

============

* பச்சை மிளகாய்,கொத்தமல்லி,புளி,உப்பு,இஞ்சி எல்லாத்தையும்

ஒரு டேபிள்ஸ்பூன் நீர் விட்டு கெட்டியாக மையாக அரைக்கவும்.

* ஒரு வாணலியில் எண்ணெய் ஊற்றி காய்ந்ததும் வெந்தயம்,பெருங்காயம்,மஞ்சள்

தூள் தாளிக்கவும்.

* அரைத்த விழுதை சேர்த்து தணலை சிம்மில் வைத்து எண்ணெய் கக்கும் வரை

நன்கு கிளறவும்.

* சுவையான புளி மிளகாய் தயார்.ஒரு பாட்டிலில் இதனை போட்டு காற்று புகாமல்,தண்ணீர் படாமல் மூடி வைத்தால்.ஒரு மாதம் வரை கெடாமல் இருக்கும்.

இதை பற்றிய உங்களின் கருத்துக்களை மறக்காமல் சொல்லிட்டு போங்க..

குறிப்பு:

=======

நான் இருபது மிளகாய் என்று கொடுத்திருப்பதற்கு காரணம் நான் இருக்கும் ஊரில் கிடைக்கும் மிளகாய்களில் காரம் இருக்காது என்பதால் தான்..தயவு செய்து காரம் உள்ள மிளகாய்களில் இருபது மிளகாய் சேர்த்து செய்து விட வேணாம்..நான் கொடுக்கும் அனைத்து குறிப்புகளிலுமே காரத்தை உங்களின் சாப்பாட்டு முறைக்கு ஏற்றாற்போல் போடுக்கொள்ளுங்கள்..நன்றி..

got your message hari :((( ..

//பச்சை மிளகாய் - (சின்னது) இருபது (காரத்திற்கு தகுந்தாற்போல்)//

இப்படி கொடுத்துள்ளேன் ஹரி..குறிப்பை நன்றாக பாருங்கள் ஹரி..எதுவாக இருந்தாலும் பின்னூட்டத்திலேயே கொடுங்கள்:)))நன்றி....

ச்பிகேட்டி வித் ஹெல்த்தி பால்ஸ் (நூடுல்ஸ்சிலும் செய்யலாம்)

2009-09-16T08:19:00.000-07:00

தேவையான பொருட்கள்:
========================
ச்பிகேட்டி செய்ய :
---------------------------
ச்பிகேட்டி - அரை பாக்கெட் (சிறியதாக இருந்தால் ஒரு பாக்கெட்)
தக்காளி - மூன்று
வெங்காயம் - இரண்டு
கொத்தமல்லி - ஒரு கைப்பிடி
துருவிய இஞ்சி  - ஒரு டேபிள்ஸ்பூன்
துருவிய பூண்டு - இரண்டு டேபிள்ஸ்பூன்
கறிவேப்பிலை - ஒரு ஆர்க்
பச்சை பட்டாணி - ஒரு கப்
நருக்கிய காய்கறிகள் - ஒன்றரை கப் (பீன்ஸ் ,காரட்,கோஸ்)
பட்டார் - ஒரு டேபிள்ஸ்பூன்
கறி பௌடர் - ஒரு டீஸ்பூன்
சோம்பு பொடி - அரை டீஸ்பூன்
மிளகாய் வற்றல் - ஐந்து (காரத்திற்கு தகுந்தாற்போல் )
உப்பு - தேவையான அளவு
எண்ணெய் - ஒரு குழிகரண்டி

ஹெல்த்தி பால்ஸ் செய்ய :
------------------------------------------

வெந்தய கீரை - ஒரு கப்
சின்ன வெங்காயம் - ஆறு
தோல் நீக்கி பொடியாக நருக்கிய உருளை கிழங்கு - ஒரு கப்
பீன்ஸ் - அரை கப்
பொடியாக நருக்கிய காரட் - ஒரு டீஸ்பூன்
பச்சை மிளகாய் - இரண்டு
முளைகட்டிய கொள்ளு - ஒரு கப்
பிரட் கிரம்ஸ் - ஒரு கப்
மைதா - ஒரு கப்
எண்ணெய் - ஒரு டீஸ்பூன்
கடுகு - அரை டீஸ்பூன்
மஞ்சள் தூள் - சிறிது
உப்பு - தேவையான அளவு

செய்முறை:
===========

*   ச்பிகேட்டியை ஒரு பெரிய பாத்திரத்தில் போட்டு பாத்தியம் நறைய நீர் விட்டு
     ச்பிகேட்டி கவரில்  குறிப்பிட்டுள்ள நேரம் படி சிறிது உப்பு சேர்த்து  வேக வைத்து    \    எடுக்கவும்.

*    நீரை நன்றாக வாடி கட்டி குளிர் நீரில் அலசவும்.

*    ஒரு டீஸ்பூன் எண்ணெய் எடுத்து ச்பிகேட்டியில் விட்டு அனைத்திலும் படுமாறு
      கலக்கவும்.

*     இரண்டு தக்காளியை தண்ணீர் விடாமல் மைய்யாக அரைத்து கொள்ளவும்.

*     பின்பு ஒரு வெங்காயத்தை தனியாக ஒரு டேபிள்ஸ்பூன் நீர் விட்டு
       ஒன்றிரண்டாக அரைத்து கொள்ளவும்.

*     அரைத்ததை தனியாக எடுத்து வைத்து விட்டு மிளகாய் வற்றல் சேர்த்து ஒரு
       டீஸ்பூன் நீர் விட்டு மைய்யாக விழுது அரைத்து கொள்ளவும்.

*      பீன்ஸ் காரட் கோஸ்சை நீளமாக மெலிதாக நறுக்கி கொள்ளவும்.

*      ஒரு வாணலியில் எண்ணெய் விட்டு காய்ந்ததும் சோம்பு பொடி போட்டு
        பொரிந்ததும் இஞ்சி,பூண்டு சேர்த்து வறுத்து கறிவேப்பிலை சேர்த்து வதக்கவும்.

*     பின்பு அரைத்து வைத்துள்ள மிளகாய் பேஸ்ட் சேர்த்து நன்கு வதக்கவும்.

*     அரைத்த வெங்காயத்தை சேர்த்து நன்கு கிளறி பச்சை வாசனை போய்  எண்ணெய் பிரியும் வரை வதக்கவும்.

*    அரைத்த தக்காளியை சேர்த்து அதே போல் எண்ணெய் பிரியும் வரை வதக்கவும்.

*    மீதம் உள்ள நருக்கிய தக்காளி மற்றும் தேவையான அளவு உப்பு சேர்த்து கிளறி கறி பௌடர் சேர்த்து நன்கு கலக்கவும்.

*    இந்த கலவையை தனியாக ஒரு பாத்திரத்தில் எடுத்து வைக்கவும்.

*    இப்பொழுது பட்டார் சேர்த்து நன்கு காய்ந்ததும் மீதம் உள்ள வெங்காயம் சேர்த்து வதக்கி நறிக்கிய காய்களை சேர்த்து பட்டாணி சேர்த்து காய்களை ஒன்றும் பாதியுமாக வதக்கி தேவையான அளவு உப்பு சேர்த்து தனியாக எடுத்து வைக்கவும்.

*    இப்பொழுது பெரிய பாத்திரத்தில் ச்பிகேட்டி சேர்த்து கரவி சேர்த்து வதக்கிய காய்களை சேர்த்து நன்றாக கலக்கவும்.எல்லாம் ஒன்று சேர்ந்ததும் உப்பு சரி பார்த்துக்கொள்ளவும்.

*    இப்பொழுது பால்ஸ் செய்து ச்பிகேட்டியுடன் சேர்த்து கலக்க வேண்டியது தான்.

*    பால்ஸ் சேர்வதற்கு ஒரு கடாயை அடுப்பில் வயத்து எண்ணெய் ஊற்றி காய்ந்ததும் பச்சை மிளகாய் சேர்த்து வதக்கவும்.

*    பின்பு சின்ன வெங்காயம் சேர்த்து வதக்கி கீரை,கொள்ளு சேர்த்து வதக்கவும்.

*    காய்கறிகள் சேர்த்து லேசாக வதங்கியதும் உப்பு சேர்த்து தேவையான அளவு நீர் விட்டு வேக குழைவாக வேக வைத்து எடுத்து கொள்ளவும்.

*    வெந்ததும் நீரை வடி கட்டி விட்டு சிறிது ஆறியதும் நன்றாக பிசியவும்.

*    ஒரு கடாயில் எண்ணெய் ஊற்றி காய்ந்ததும் கடுகு தாளித்து சிறிது மஞ்சள் தூள் சேர்த்து பிசிந்து வைத்துள்ள கலவையை சேர்த்து ஒரு நிமிடம் வதக்கி ஆறவிடவும்.

*    மைதாவை தோசை மாவு பதத்திற்கு சிறிது உப்பு சேர்த்து கரைத்து கொள்ளவும்.

*     பொரிக்க தேவையான அளவு எண்ணெய்யை சூடு செய்து கொள்ளவும்.

*    ஆறியதும் வதக்கிய கலவையை சிறு சிறு பால்ஸ் செய்து மைதா கலவையில் முக்கி பிரட் கிரம்ஸ்சில் பிரட்டி எண்ணெய்யில் போட்டு பொரித்தெடுக்கவும்.

*    இவ்வாறு அனைத்து கலவையையும் பொரித்தேடுத்தவுடன் அதை ச்பிகேட்டியில் சேர்த்து உடையாமல் கிளறவும்.

*    சுவையான சத்தான ச்பிகேட்டி அண்ட் ஹெல்த்தி பால்ஸ் தயார்.

குறிப்பு:
=======
ச்பிகேட்டி கிடைக்காதவர்கள் இதே முறையில் நூடுல்ஸ் வைத்தும் செய்யலாம்.

இதை பற்றி உங்க கருத்தை மறக்காமல் சொல்லிட்டு போங்க.

---அம்மு.

மணத்தக்காளி பொன்னாங்கன்னி பச்சடி

2009-09-13T20:03:00.000-07:00

தேவையான பொருட்கள்:
========================

மணத்தக்காளி கீரை - ஒரு கைப்பிடி
பொன்னாங்கன்னி கீரை - ஒரு கைப்பிடி
காய்ந்த சுண்டைக்காய் - ஒன்று
மிதுக்க வற்றல் - ஒன்று
மோர் மிளகாய் - இரண்டு
பச்சை மிளகாய் - ஒன்று
பூண்டு - இரண்டு
உப்பு - தேவையான அளவு
பெருங்காயம் - ஒரு சிட்டிகை
நல்லெண்ணெய் - இரண்டு டேபிள்ஸ்பூன்
நீர் மோர் - அரை டம்பளர்

செய்முறை:
===========

* ஒரு கடையில் ஒரு சொட்டு எண்ணெய் விட்டு மணத்தக்காளி கீரை மற்றும் பொன்னாங்கன்னி கீரையை இரண்டு நிமிடம் வதக்கி தேவையான அளவு நீர் விட்டு வேக வைக்கவும்.

* ஒரு கடையில் எண்ணெய் ஊற்றி காய்ந்ததும் பூண்டு போட்டுலேசாக வதக்கி,பச்சை மிளகாய் சேர்த்து வதக்கவும்.

* இரண்டும் லேசா வதங்கியதும் பெருங்காயம் சேர்த்து சுண்டைக்காய் மற்றும் மிதுக்க வற்றல் ,மோர் மிளகாய் சேர்த்து வறுத்து ஆறவிடவும்.

* பின்பு அனைத்தையும் சேர்த்து மிக்சியில் நீர் விடாமல் கொரகொரப்பாக அரைக்கவும்.

* கீரை வெந்ததும் அதை மிக்சியில் கெட்டியான விழுதாக அரைத்தெடுக்கவும்.

* கீரை கலவையில் தேவையான அளவு உப்பு சேர்த்து கொரகொரப்பாக அரைத்த கலவையை சேர்த்து கலக்கவும்.

* நீர் மோரில் உப்பு சேர்த்து அதையும் கீரை கலவையுடன் சேர்த்து கலக்கவும்.

* சுவையான சத்தான பச்சடி தயார்.

குறிப்பு:
======

மிதுக்க வற்றல்,சுண்டைக்காய் வற்றல் பிடிக்காதவர்கள் அது இல்லாமல் செய்யலாம்.ஆனால் இரண்டும் சேர்த்தால்தான் சுவை அதிகம் இருக்கும்.நல்லெண்ணையில் வறுப்பதால் கண்டிப்பாக கசப்பு இருக்காது..

நீர் மோர் பிடிக்காதவர்கள் தயிர் சேர்த்தும் செய்யலாம்.

உங்களின் காரத்திற்கு தகுந்தாற்போல் மிளகாய் சேர்க்கவும்.

இதை பற்றி உங்களின் கருத்துகளை மறக்காமல் சொல்லிட்டு போங்க...

அம்மு.

நான் வரைந்த படங்கள் அனைவரும் பார்த்து கருத்து சொன்னால் உற்சாகமாக இருக்கும்..நன்றி..

2009-09-13T11:42:00.000-07:00

நான் இன்னொரு ப்ளாக் ஆரமிச்சுருக்கேன்..அதில் நான் வரைந்த படங்களை போஸ்ட் பண்ண போறேன்.இந்த சமையல் தளத்தில் உங்களின் கருத்துகளை கொடுத்து என்னை ஊக்குவித்த மாறி என்னுடைய புதிய தளத்திற்கும் சென்று பார்க்குமாறு அன்புடன் கேட்டுக்கொள்கிறேன்..

http://ammudrawings.blogspot.com போய் பார்த்து உங்க கருத்தை
சொல்லுங்க ...நன்றி..

--அன்புடன்,
அம்மு.

பேவரைட்ஸ்

2009-09-12T21:05:00.000-07:00

ஷினு உங்களுக்காக என் பேவரைட்ஸ்:

பிடித்த பெயர் - மது,சத்யா
பிடித்த ஊர் - மூணார்
பிடித்த டிபன் - இட்லி,நூடுல்ஸ்,எக்ஸ்ட்ரா ஸ்பைசி மசாலாதோசை
பிடித்த நபர் - என் கணவர்
பிடித்த பானம் - காபீ,பாதாம்மில்க்
பிடித்த பெட் - நாய்
பிடித்த பாடல் - பாம்பே படத்தில் டிவின்ஸ் மீட் சாங்,ஆகாசவாணி,விழி மூடி
பிடித்த இயக்குனர் - பாலா,அமீர், மணிரத்தினம் , கவதம் மேனன்.
பிடித்த நாள் - ஆகஸ்ட் இருபத்தேழு
பிடித்த படம் - பிதாமகன்,பாம்பே, ரோஜா,மொழி
பிடித்த ஹீரோ - சூர்யா,விக்ரம்
பிடித்த ஹீரோயின் - ஜோதிகா
பிடித்த காய்கறி - உருளை கிழங்கு,வெண்டைக்காய்,முள்ளங்கி,நூல்கோல்
பிடித்த செயல் - எனக்கு பிடித்தவர்களை சீண்டுவது
பிடித்த சம்பவம் - என் திருமணம்.
பிடித்த சீசன் - ஸ்ப்ரிங்

விருது விருது வருது வருது..

2009-09-12T19:57:00.000-07:00

நன்றி சமிதா...இந்த விருதை என் ப்ளாக்கில் பாலோயர்ச்சாக இருக்கும் இருக்கும் அனைவருக்கும் வழங்குகிறேன்..நன்றி .. நன்றி ப்ரியா.

என்னை பற்றி பத்து விஷயம் சொல்லணுமாம்.

ப்ரியா நீங்கள் சொன்ன ரூல்ஸ்சை கொஞ்சம் மாற்றி இருக்கிறேன் ..கோபம் கொள்ளாதீர்கள்..

எனக்கு பிடித்த ஐந்து விஷயங்கள்:

௧) எனக்கு சமையல் என்றால் மிகவும் பிடிக்கும்.சமைக்கவும்..சாப்பிடவும்..
௨) முடிந்த அளவில் என் குடும்பத்தினருடன் நேரம் செலவு செய்ய விரும்புவேன்.
௩) காலை மூன்று மணிக்கு காபி குடிக்க பிடிக்கும்.
௪) காலையில் தாமதமாக எழுந்திருத்தல் ரொம்ப பிடிக்கும்.
௫) என் கணவருடன் காரில் நெடும் தூர பயணம் செய்ய பிடிக்கும்.

இத்தனை நான் திருமதி ஜலீலா,திருமதி மேனகா,திருமதி கீதா ஆச்சல் ,நித்யா,பாரதி ,சாமந்தி,சஞ்சய்,ஜமால்,ராஜ்,யோ
இவர்களுக்கு கொடுக்கிறேன்.

நன்றி நிதி.

நன்றி ப்ரியா அக்கா .

நன்றி கீதா அக்கா

நன்றி மேனகா.

நன்றி சாமந்தி.

மேலே உள்ள ஐந்து விருதுகளையும் என் ப்ளாக்கில் பாலோயராக இருக்கும் அனைவருக்கும் வழங்குகிறேன்.

Hi guys, I am going for an vacation so,i will not be available from sep 1 st and i'll be back before sep 24th.

2009-09-07T09:16:00.000-07:00

பாகற்காய் தொக்கு

2009-09-01T21:34:00.000-07:00

தேவையான பொருட்கள்:
======================

நருக்கிய பாகற்காய் - ஒரு கப்

மாங்காய் (துண்டுகளாக நறுக்கியது)- அரை கப்

பொடித்த வெல்லம் - மூன்று டேபிள்ஸ்பூன்

உப்பு - சிறிது

கறிவேப்பிலை - ஒரு ஆர்க்

தக்காளி - ஒன்று

பெரிய வெங்காயம் - ஒன்று

பச்சை மிளகாய் - நான்கு

நல்லெண்ணெய் - மூன்று டேபிள்ஸ்பூன்

சீரகம் - ஒரு டீஸ்பூன்

செய்முறை:
===========

@ ஒரு வாணலியில் எண்ணெய் ஊற்றி காய்ந்ததும் சீரகம் தாளித்து கறிவேப்பிலை போட்டு பொரிய விடனும்.

@ வெங்காயம் போட்டு வதக்கி பொன்னிறமானதும் பச்சை மிளகாய்,தக்காளி சேர்த்து நன்கு வதக்கவும்.

@ உப்பு சேர்க்கவும்.

@ பாவக்காயை வேறு ஒரு பாத்திரத்தில் சிறிது உப்பு போட்டு சிறிது சிறிதாக நீர் விட்டு வேக வைக்கவும்.

@ நன்றாக வெந்ததும் நீரை பிழிந்து தக்காளி கலவையுடன் சேர்த்து நன்கு பிரட்டவும்.

@ தணலை சிம்மில் வைக்கவும்.

@ ஒரு நிமிடம் நன்றாக வதக்கி மாங்காய் சேர்த்து வதக்கவும்.

@ ஒரு நிமிடத்தில் வெல்லம் சேர்த்து கிளறி இறக்கவும்.

@ சில குழந்தைகளுக்கு பாவற்காய் பிடிக்காது அவர்களுக்கு இது போல் தொக்கு செய்து சப்பாத்தியில் தோசையில் ஸ்டப் செய்து கொடுத்தால் மிகவும் விரும்பி சாப்பிடுவார்கள்.

குறிப்பு:
========

பாவக்காய்யினை நறுக்கியபின் மூன்று முறை உப்பு தண்ணீரில் அலசி பிழிந்து எடுத்தால் கசப்புத்தன்மை போய்விடும்.

ஒரு சில வெல்லத்தில் இனிப்பு சுவை அதிகமாக இருக்கும் அவர்கள் கொஞ்சம் கம்மியாக வெல்லம் சேர்த்தால் போதுமானது.

கடைசியில் வெல்லம் சேர்த்ததும் அதிக நேரம் கிளர வேண்டாம்.

இதில் பச்சை மிளகாய்,வெல்லம்,உப்பு ,மாங்காய் எல்லாம் சேர்ந்ததால் அனைத்து சுவையும் கலந்து சாப்பிட மிகவும் சுவையாக இருக்கும்.

இதில் ப்ரோசன் பாவற்காய் யூஸ் பண்ணியும் செய்யலாம்.சுவை மாறாது.

இதனை பற்றிய உங்களின் கருத்துக்களை மறக்காமல் சொல்லிட்டு போங்க..

கருப்பட்டி பொங்கல்

2009-08-31T19:47:00.000-07:00

தேவையான பொருட்கள்:
======================

கருப்பட்டி தூள் - ஒரு கப்
அரிசி - ஒரு கப்
பால் - மூன்று கப்
தண்ணீர் - மூன்று கப்
நெய் - கால் கப்
ஏலக்காய் பொடி - கால் டீஸ்பூன்
முந்திரி - நான்கு
உலர் திராட்சை - ஒரு டீஸ்பூன்
பாதாம் - நான்கு(விருப்பப்பட்டால்)
பிஸ்தா - ஒரு டீஸ்பூன்(விருப்பபட்டால்)

செய்முறை:
==========

* முதலில் ஒரு பெரிய பாத்திரத்தில் தண்ணீர் மற்றும் இரண்டு கப் பால் மற்றும் அரிசி சேர்த்து நன்றாக வேக விடவும்.

* இன்னொரு பாத்திரத்தில் கருப்பட்டி தூள் சேர்த்து கால் கப் தண்ணீர் சேர்த்து தணலை சிம்மில் வைத்து கம்பி பாகு காய்ச்சி கொள்ளவும்.(சாதம் லேசாக வேக ஆரமித்ததும் பாகு காய்ச்ச ஆரமித்தால் போதும்..பாகு ஆனவுடனேயே சாதத்தில் சேர்த்து கிளறனும் இல்லாவிட்டால் பாகு இருக்கிப்போய்விடும்..)

* பாத்திரத்தில் வேக வைத்த அரிசியை அடிக்கடி கிளறி விடவும்.

* பாலும் தண்ணீரும் வற்றியவுடன் காய்சிய பாகை சேர்த்து நன்கு கிளறவும்.

* மீதம் உள்ள ஒரு கப் பாலையும் சேர்த்து நன்கு கிளறவும்.

* கொதிக்க ஆரமிக்கும்.

* எடுத்து வைத்துள்ள நெய்யை பாதி பாதியாக சேர்த்து கிளறவும்.

* எல்லாம் நன்றாக சேர்ந்து பொங்கல் பதம் வந்ததும் இறக்கி வைக்கவும்.

* முந்திரி திராட்சை யை சேர்த்து கிளறவும்.

* பாதாம் மற்றும் பிஸ்தாவை துருவி சேர்க்கவும்.

* சுவையான கருப்பட்டி பொங்கல் தயார்.

குறிப்பு:
==========

பாகு சரியான பதம் வருவதற்கு எழு முதல் பத்து நிமிடங்கள் வரை ஆகும்.
(சிம்மில் மட்டுமே வைக்கவும்)

கருப்பட்டி சேர்த்து செய்வதால் சர்க்கரை நோய் உள்ளவர்களுக்கும் கொடுக்கலாம்.

நெய் வேண்டுமானால் அதிகமாக சேர்த்து கொள்ளலாம்.

இதை பற்றிய உங்களின் கருத்துகளை மறக்காமல் சொல்லிட்டு போங்க..

புதினா கீ ரைஸ்

2009-08-30T20:16:00.000-07:00

தேவையான பொருட்கள்:
======================

புதினா (பொடியாக நறுக்கியது) - ஒரு கப்
நெய் - மூன்று டேபிள்ஸ்பூன்
பெரிய வெங்காயம் - ஒன்று
கொத்தமல்லி - ஒரு கைப்பிடி
சீரகம் - ஒரு டீஸ்பூன்
கறிவேப்பிலை - ஒரு ஆர்க்
அரிசி - ஒரு கப்
உப்பு - தேவையான அளவு
பச்சை மிளகாய் - நான்கு (காராத்திற்கு தகுந்தாற்போல் )
கிராம்பு - ஓன்று
பட்டை - ஒரு சிறிய துண்டு
எண்ணெய் - அரை குழிகரண்டி

செய்முறை:
==========

* ஒரு கடாயில் எண்ணெய் மற்றும் நெய் ஊற்றி காய்ந்ததும் சீரகம் மற்றும் கறிவேப்பிலை தாளிக்கவும்.

* பட்டை கிராம்பு போட்டு பொரிய விடவும்.

* பெரிய வெங்காயம் போட்டு நன்கு வதக்கவும்.

* புதினா மற்றும் மல்லி இலைகளை சேர்த்து நன்கு வதக்கி பச்சை மிளகாய் சேர்த்து சிம்மில் வைத்து ஒரு நிமிடம் வதக்கவும்.

* உப்பு மற்றும் அரிசி சேர்த்து ஒரு நிமிடம் வதக்கி அரிசி வேக தேவையான அளவு நீர் விட்டு வடித்து எடுக்கவும்.

* நெய் வாசனையில் வீடே மணக்கும்.

* தேவையானால் சாதம் வெந்ததும் சிறிது நெய்யில் முந்திரி தாளித்து கொட்டவும்.

* சுவையான புதினா கீ ரைஸ் தயார்.

* இதை பற்றி உங்களின் கருத்தை மறக்காமல் சொல்லிட்டு போங்க.

கத்தரிக்காய் சட்டினி

2009-08-30T17:30:00.000-07:00

தேவையான பொருட்கள்:
======================

பெரிய கத்தரிக்காய் - ஐந்து
பச்சை மிளகாய் - நான்கு
கறிவேப்பிலை - ஒரு ஆர்க்
தேங்காய் துருஅல் - ஒரு கப்
துருவிய இஞ்சி - ஒரு டீஸ்பூன்
உப்பு - தேவையான அளவு

தாளிப்பதற்கு:
-----------------
கடுகு
உளுத்தம் பருப்பு
கடலை பருப்பு
பெருங்காயம்
கறிவேப்பிலை

செய்முறை:
===========

* முதலில் கத்தரிக்காயில் எண்ணெய் தடவி நன்றாக சுட்டு கொள்ளவும்.

* சுட்டதும் மேல் தோலை நீக்கி சிறிது உப்பு சேர்த்து நன்கு பிசிந்து கொள்ளவும்.

* பிசிந்த காத்தரிக்காய்யின் அளவு ஒன்றரை கப் இருக்கும்.

* தேங்காய் துருவலையும் பச்சை மிளகாய்யையும் மிக்சரில் போட்டு நீர் விடாமல் கொரகொரப்பாக அரைத்துகொள்ளவும்.

* அரைத்த தேங்காயுடன் மசித்து வைத்துள்ள கத்தரிக்காயயை போட்டு
கறிவேப்பிலை போட்டு ஒரு முறை அரைத்து கொள்ளவும்.(நீர் சேர்க்க கூடாது.

* இஞ்சி மற்றும் உப்பு சேர்த்து கலக்கவும்.

* ஒரு கடாயில் எண்ணெய் ஊற்றி காய்ந்ததும் தாளிக்க வேண்டியவற்றை தாளித்து கொட்டவும்.

* சுவையான கத்தரிக்காய் சட்டினி தயார்.. குறிப்பு:
********

பச்சை மிளகாய் சரியாக அரை படாவிட்டால் லேசாக இடித்து விட்டு பின்பு அரைத்தால் அறைந்து விடும்.

இதை பற்றிய உங்களின் கருத்துக்களை மறக்காமல் சொலிட்டு போங்க..

..